Suttke Zhuzari Purtugez Nanvancher Kitiak Add? – Boroupi Freddy Agnelo Fernandes, Dubai

Hi chitt hanv boroitam ti Goenchea khorea niz suttke-zhuzareank okman korunk nhoi, ponn je apunn suttke-zhuzari mhonntat tankam lagun. Sogllea khorea suttke-zhuzareank ami bhovman kortanv. Kaim fottkire ani lobadd suttke-zhuzari apnnakuch vhoir kaddtat te 60 vorsam poryan khoim asle?

Sevikak Mornantli Vattaunk Ghelolo Padri Porxim Bizlecho Xok Lagun Melo

Kerala : St Alphonsachea prosesacho adlo adari Vice Postulador Pri. Mathew Thondamkuzhy ghorant vavurtole sevikak mornnantli vattaunk gel'le kodden bizlecho xok lagun melo mhonn Palai diosezicho Vigar Jeral Pri. George Choorakkat hannem sanglam. 63 vorsanchi sevika Achamma George Igorjechea moidanar vavurtana bizlechea soryank guspoli, tichi bob aikun 72 vorsancho Pri. Mathew tika soddovnk gel'lo ponn taka-i bizlechea soryancho xok lagun to-i melo.

Konknnichi Romi Lipi Mhonnlear Ontor’raxttrik Lipi Sangta Bisp Allwyn Barretto

Ponnje: Konknnichi romi lipi mhonnlear ontor'raxttrik lipi oxem Sindhudurg diosezichea Bisp Allwyn Barretton sanglem. Dalgado Konknni Akademin ghoddun haddlolea Konknni ( Romi Lipi) Sahitya ani Sonvskrutik Tisrea som'melonant udgarlo.

Bispank, Kristanvank Oniti Add Zuzunk Rostear Eunchem Poddlem – Boroupi John Malvino Alfonso

Mongllur: Karnatakantlea sabar zageancher igorzo, konvent ani magnneanchea sobhaghorancher 2008 vorsachea Setembrache 14ver thavn sabar hol'le zale. Tachi chovkoxi korunk sorkaran nitidar B. K. Somashekar-ak nemlolo. Tannem halinch aplo vako dilo. To vako Kristanvam add asun tantunt sot na. Ho vako Kristanvam mandhun ghena mhunn dakhounk Mongllurant, Mongllur Katolk fuddariponna khal moneponnim tonddak kallo kuddko ani hatant kale bavtte gheun lamb nixedh pursanv Febrerache 20-ver Jyothi Circle thavn suru zalo ani Mongllurchea Nehru moidanar Kristi lokachi zomat zali.

NIZ GOENKAR DHAN EKTTAUNK ANI POIXEAM PATLEAN NAM: EK NIROP SOMEST GOENKARANK ANI VACHPEANK – Boroupi Menino Fernandes

Mogall somest Goenkarank ani Niz Goenkar Vachpeank: Aum tumche mukhar kaim ghoxtti dovortam Niz Goenkara vixim. Niz Goenkar anven suru kelelm zagrut korunk Goenkarank, karann maka dison ailem koxe porim mojea mogachea Goenchem nisontonn zata tem ani he nisontonn korpi dusre anik konn nhoi bogor amchem rajkarbari.

30 mhoineank 55 pulis odhikari 'suspend’ - Boroupi Stanley Vaz

Ponnje: Bhroxttachar, banngoddeo, fosovnneom, 'black mailing', hafto ghevop,vikallea vokhdanchi vikri, zuttier astana ostoreancher agllik ani bollzabri korop hea sarkea sabar guneanvam khal, fattlea 30 mhoineam modem Gõychea pulis khateantle 55 odhikareank 'suspend' keleat mhonn gomlam.

Mubarak sodrevelo denvlo, lok xant zalo - Boroupi Andre Carneiro, Porvore

EGIPT: Egiptachea desant sumar 18 dis lokan kranti kele uprant Mubarak raxttrpotiche sodrevelo denvlo. 82 vorsanche pirayer pavla astana sodrer ravpachi axa sompeponnim suttlina, lokan bollachi kranti korchi poddli. Kaim mon'xank dusreancher apli podvi zobordosten cholovnk chodd avoddta.

Deullantlea Mahajanak Athiaram zai

Modganv: Goenchea deullani ghoddun ghelea choriank lagon, bhov korun Saxtti Talukeant, kaim dokxinn Goenche Mahajan fuddem soron orzo keleat dokxinn Goenchea District Magistrate-a laguim, magonk porvangi athiaram uklunk.

Xharantlea Iskolant Chori

Ponnje: Kaim onollkhi munis, xarantlea eka iskolant bhitor soron 31,650 rupia ani eka xinktelea bhurgeacho mobile zo iskolachea odhikareani zopt kelolo tho gheun pollapoll kaddli.

St. Estevao-cho Gaunvkar Melolo Meulo Kundaim Puzadar

Fonddeam: Gregorio Lobo, ho 70 vorsancho ani ganvan St. Estevao, Tiswaddintlo, Aitaradis eka puzadar, Kundaim melolo meulo. Puliseche sangnne pormonne, Gregorio hea puzadar pennem korun aslo fatlea 6 disank than tachem gharachem kam choltalem tea passot.

Sanathan Sonvstha Borem Kam Korpi? Boroupi NOEL DE SOUZA, SALIGANV

Zaiteo songhottnnam ani sonvstha borem kam' kortat ani somazak boreponn haddtat. Punn boreponnachem kam' kortole dusreancho ghat gheupacheo kornneo poisaitat.  Punn sonvsthamni sogllech monis borea monache asonant haka lagun vaitt ani noxtti kornni tea adarunk pavum yetat.

Gõyeant Divors Ghevpachem Promann Bhorpur Vaddlam – Boroupi Stanley Vaz

Ponnje: Gõyeant divors ghevpachem promann bhorpur vaddlam. Fattlea eka vorsachea kallant 793 divors kexeo nond zaleo ani 307 kexincho nikal zalo. Dor disa don vo odik divors kexi Gõychea veg-vegllea korttinim nond zatat mhonn sangtat.

Proxnn zancho zabab zavo – Boroupi Elvino Rodrigues, Navelim

Linette Rebello-chea potra pormonnem jem boroilelem eka Goenchea khobre potrak 31ver Janerache 2011, kaim proxnn ube kortat Cipriano-chea pulis tabeantlea morna voir. Tache ixttinichea tokrari pormonnem, ti tachea sangata tachea ghara vochona mhunnon tannem suri gheun tika dhomki dileli, fokot hench assa zoxem tinnem pulisek kollit kelam. Tor hi zaun assa khori tokrar?

Akromonnache chovkoxe vixim Kristanvancho nixedh

Karnattokantle Igorjecher zal'lea akromonna vixim judicial commission-an opradheanchim nanvam diunk nant dekhun Kristi pongddamni ani rajki pokxamni ttika kelea. Janerache 28-ver judicial commission-an rajeo sorkarak aplo nimanno vako dilo tedna, Kristi somudai dukhi zala, oxem Benglurche Arkidiosezicho Vigar Jeral Msgr. S. Jayanathan potrakarank sanglem. 2008 vorsa sumar 57 igorzancher zal'lea akromonacher chovkoxi korunk Karnattakachea sorkaran adlo vokil, Nitidar Banavar Krishnamurthy Somashekhara, haka vinchun kaddlolo.

Ghor Khateachea Karbaracher Sobhapoti Chavolo

Ponnje: Ghor khatem sarkem cholona. Lokanchea proxnna kodden he khatem ghombhirponnan pollenam oxi khont sobhapoti Pratapsing Ranen kal dakoili.  Sobhaghorak grohit dhorpache prokar chalu urle zalear sombhondit odhikareank zababdar dhortele oxi xitkaunni tannem dilea.

Suprim Nitisobha konversanvacher aplem mot fattim gheta

Novi Delhi : Jedna Kristi fuddareamni ani hok'kanchea zomeamni aplo usko ugtailo tednam, Janerache 25-ver Suprim Nitisobhen konversanvancher aplem mot fattim ghetlam. Graham Staines hea misionarachea khuna vixim Janerache 21ver Suprim Kortin aplem mot ditana, dhormik konversanvam korpachi kamam kortalo mhonn taka jivexim marlo oxem Suprim Nitisobhen sanglolem. Atam tim utram "unconstitutional" aslolean Nitisobhen kaddun uddoilim mhonn Suprim Nitisobhent vavurtoli Sistor Mary Scaria-an sanglem.

24 Hozar Tornattim Motdar Vollerint Nant

Ponnje: 18 ani 19 vorsanche pirayechim Gõychim tornattim aplea motdan korpachea hok'ka vixim borich be-zababdar kortat vo he pillge modem zagrutai matui na mhonn disun ailam.