Logna adim dhorm bodlop nond korchem: Kaidea Aiyog

Novi Delhi: Ghov-bhaile modem ghottasfott vo kuxin sorun vetoleank fuddarak koslich oddchonn zaina zaunk, logna adim aplo dhorm bodlunk sodhtoleamni nitisobhe mukhar nond korchem mhonn Kaidea Aiyog (Law Commission)-an formailam. Toxem kelear jeo addkholleo logn zal'lim doxim zatana uprastat, teo vattaunk sompem zatolem ani khoinchea kaidea khal tem-tem logn nond zal'lem tem polleunchem poddtolem.

GEETACHER BICHOLECHEA PULISANCHO DHUMALLO: XEZAREAM SANGTAT

BICHOLE: Bhair sorlele khobre pormonnem kainch toxem nam. Ek Geetacho xezari Niz Goenkarak boroita:

He ghoddenche khoreponn aum anga boroitam. Aum Geetak ani tachea akhea ghorabeak porxim pok’ko ollkhotam. Ji kanni pulis DySP Bossuet-an potrakarank dilea tantun kainch khoreponn nam. Geetachea bapaicho ozun poriant divorce zaunk nam ani to ek ankvari jivit sarinam.

Ravi Lagchem Ghor Khatem Kaddchem: BJP

Ponnje: Goeant noxeachea vokdancho dhondo cholona ho Ghor Montri Ravi Naik ani pulis khateacho dhavo. Up Nirikxok Sunil Gudlar prokornna uprant fatt tharla. Hea prokornna uprant Ghor Khatem ani Goenche pulis khoinche dhiken chol’leat he spoxttponnan disonk laglam oxi tik’ka korun ghor montripod dhorun akhea pulis khateachi sompurn choukoxi korchi oxi magnni BJPin kelea.

Sankvak Dhopko Marun eklo Melo

NERUL: Speedbreakeracho odmas mevonk nam zaun Nerul vattarant Yamaha motorsaikolicho dhopko boson Shibin Raika hea 29 vorchanchea Orissachea tornatteak zagearuch moron ailem.

Rakpalak Kollovnni Potr

Ponnje: Rajpalak Dr. S. S. Siddhu-cher 'Right to Information' kaideak favo asloli mahiti diunk naslolean rajeo mahiti ayogan taka 361 kolma khal kollovnni-potr dhaddlolem. Tacher Rajpal Dr. Siddhu-n apnnak mafi maglea.

BABUSH MONSERRATE PONNJECHEAN VECHNNUKEO ZOGODTOLO

Ponnje: Taliganvcho amdar ani xikxonn montru Babush Monserrate fuddle vidhasobha vechnnuk Ponnje Motdarsonghantlean zogoddpacho nicheu kela. Fuddlea Marsant zaupache Ponnje Mahapalikeche vechnnukent aplea nanvan panel ubem korun vidhan sobha vechnnukechi rongit talim marpachem tannem tharoilam.

Devllantlea Choriam Sombondim Mukhel Sachivak Nivedan

Ponnje: Goeantlea devllani zaupi vaddtea chorianchea prokornnacho fuddlea att disam bhitor topas korunk nam zalear khor andholan kortele oxi xittkaunni kal Damu Naikachea fuddarponnam khal veg-vegllea devllantlea prothinidhini dilea.

GOENKARAM LAGUIM EKVOTT KORUNK MAGNNEM boroupi P. Cruz, Vasco da Gama

Aiz Goeant borench motem zuz cholta Congress ani NCP hea don pokxam modem. Aiz aum TV cher khobro polletana, anven Mickky Pacheco laguim mulakhat cholta ti polleli.

Vagator Bekaideaxir Partiecher dhadd

VAGATOR: Vagator vattarantlea dongracher bekaideaxirponnan ayojit kelele Natalanche Partecher Abkari Khatean dhadd ghalun sumar 70 ozarancho soro tabeant ghetlo.

Congressachea Nirnnoiachem Podlelem Nam: Codelik Bhukelolo Mickky Mhunnta

MODGANV: Aplea pokx shrextani apleak montripod melloun diupachem utor dilelem astana Congress Pokx xrextti kitem nirnnoi ghetat tachem podlelem nam oxem Banaulechea amdar Mickky Pachecon kal sanglam.

Devllant Chorio: Dokxinn Goem Bond Korpachi Xitkaunni

MODDGANV: Dokxinn Goyant athrea poirean devllani chorianche prokar allabanda addpache nodren kruti korpak fudlea 8 disam bhitor serkarak apes ailem zalear dokxinn Goem bond kortele oxi xitkaunni kal hea devasthana kodden sombondhit zallvanndaranchea xixttmondolan dili.

Rajkornneank Khella Mollar Fuddariponn Diunchem Nhoi Boroupi Nisser Dias

Commonwealth khellachem mukhelponn melloun gheupi Khasdar Suresh Kalamadin amchea deshant sod'deak boroch ghuspagondoll kela. Dor disa Novi Dil'lint khellam moidanaveleo banngoddeo ami TV-cher polleleat.

Goeant Bhonvddekarancho Ankddo Vaddta Ani Plastik Kochro-i Choddta Boroupi Stanley Vaz

Ponnje: Gõyant dispott'ttim bhonvddekarancho ankddo vaddot veta. Gõyche suttkechea 50 vorsanchea itihasant hea vorsa 30 lakh odik bhonvddekaram Gõyant yetolim mhonn odmas korun Gõychea Poryotton Khatean jahir kelam. Hea vorsachea fattlea 8 mhoineamni, dexi toxim videxi 21 lakh bhonvddekaram Gõyant ailim mhonn Poryotton Khatean nond kelam.

11 Tiatr Kolakarancho 14 Dezembrak Bhouman

Ponnje: Tiatrak yogdan dilelea 11 tiatr kolakarank Goem Tiatr Akademy 14 Dezembrak donparam 3 vorancher Modgao-chea Ravindra Bhavanant bhouman korteli.

Goeank Khas Dorzo diupachi Sorkaran Magnni Korunk Nam

Ponnje: Goem Rajyak khas dorzo diupache magnnecher boreach velar veg-vegllea machiancher bhasabhas zaleli asli torui Rajya Sorkaran hea sombondhan Kendra-kodden azun porian adhikrut magnni korunk nam oxi zab Kendriya Niyozonn, Sonsad Vevhar toxench Bhouxik Kagall ani Penxen Rajya Montri V. Narayanswamin Rajya sobheche khasdar Shantaram Naikak dilea.

Romi Konknnicho Mog - Boroupi Jesuino Almeida, Pilar

Gõykaramni Romi Konknnik tenko dilo zalear amcho xinn na kiteak mhaka ani mhojea osleam zantteank bhav-bhoinnink nagri Konknni poros romi Konknni odik bori vachunk borounk yeta. V. Ixtt thambonastana Romi Konknnik tenko dita, hacherui amcho xinn na. Amcho xinn amche padri bhav Gõychea Igorzamni vigarponn choloitat tancher.

IFFI-chea nanvan Ponnje xar xrungarlem

Ponnje: Fatlim 6 vorsam thavn Gõyant Ontor'raxtrik Film Utsov zatat. Haka lagun Gõychea sorkaran Ponnjechem xar borench nettoilam. Ratchem bizlechea diveamni zogzogta. Bharoti filmanche songhottnne kodde aslole gunn upeogak ghalear ontor'raxttrik cholchitranchea molar porzoll poddtolo, oxem karyavolliche mukhel soiri Kendr Relve Montri Xmti. Mamta Banerjee-n aplea uloupant sanglem.

Pondra Disanchean Bond Podlea Thane Vattarantli Fon Seva

VALPOI: Tantrik karannank lagon Thane Telefon Kendr bond poddlear sumar 15 dis zale.  Taka lagon hea vattarantli fon seva puraien bond poddlea.  Oxem aslem torui BSNL koslich halchal kori naslelean hea vattarantlea lokak thiddok ailea.  Fuddlea char disam bhitor seva chalik laglinam zalear sogleo zoddnneo thoddun uddoitele oxi xitkaunni giraikani dilea.

MAHAMAROG RUND KORTELECH: ALEMAO

Khoinchei poristhitint, Rashtriya Mahamarog rund kortelech. Mahamargachea rund korpak virodh korpeani ubarlelem andolan rajki hetan ubarlelem assa. Tachem apleak kainch poddunk nam oxem Bhouxik Bandkam Montri Churchill Alemaoan kal spoxtt kelam.

MUKHEL MONTREAN SWOTONTR SOINIKANCHEA BHURGEANK NOKREO DIUNCHEO: SUDESH LOLIENCAR

Mukhel Montri Digamber Kamatan swotontr soinikanchea bhurgeank nokreo diupachem jahir utor 18 Junache kariavollint dilelem, Punn tache uprant kainch halchali zaunk naslelean, Mukhel Montrean dilelem utor pallchem oxi magnni swotontr soinik sorgest Vishwanath Loliencar-acho put Sudesh Loliencaran kelea.

SURLA SATARI RANANT MEULO MUNXEACHO SANGADDO

VALPOI: Surla Satarichea ranant kal munxeacho sangaddo meuleleak ganvant bhirantichem vatavoronn upraslem. Tachi azun vollokh mellunk na. Surla vattar Goem-Karnatakache xime laguim assa.

PURTUGALACHE BOTTIK EUKAR DILEAR GOMBHIR PORINNAM: MUKHEL MONTREAK DHOMKI

PONNJE: Goenche better eupi Purtugalache bottik mukhel montri Digamber Kamat evkar diupak ghelo zalear tacho porinnam taka bhogcho podtolo oxem BJPn kal mhuntlam.

NIZ GOENKAR JERUL ZOITIVONT ZATOLO MHUNNTA AMCHO UMEDVAR PAUSILIP DOURADO mulakat gheupi Bebdo

NIZ GOENKAR JERUL ZOITIVONT ZATOLO MHUNNTA AMCHO UMEDVAR PAUSILIP DOURADO mulakat gheupi Bebdo

Aum vhodde umedin ani khuxealkaen boron sogllea Goenkarank kollit kortam ki amcho ek Niz Goenkar, taka dhir dilea uprant fuddem sorla, Goenchem sudarop korchea khatir ani Goencho udeog korchea khatir sambhallun dourunk Goenkaranchi ollokh ani porompora.

Konknnicho Fuddar Romi Lipient - boroupi Andrew Fernandes, Agonda

Konknnicho fuddar romi lipient hea matthallea khal lekh vachlo ani mhaki him don utram borounk humed aili. Bhovman favo aslolo Pri. Pratap Naik, tujea hea boroupak lagun. Devan tujem chintop odikuch unch pavchem ani fuddarak tunvench Romi Konknni fuddem vhorchi.

Pentecostal Zomeani Vetelea Katolkank Addaunk Marian Kariavolli Korat: Bisp Lawrence Pius

Pilar: Ak'khea sonvsarak osleo karyavollim vorvim zaitem boreponn yevpachem. Katolk lok apli Igorz soddun Pentekostal zomeamni bhitor sorunk pavchim naslim, oxem Madras-Mylapore Arkidiosezicho Adari Bisp Lawrence Pius Dorairaj-an sanglem.