24 Hozar Tornattim Motdar Vollerint Nant

Ponnje: 18 ani 19 vorsanche pirayechim Gõychim tornattim aplea motdan korpachea hok'ka vixim borich be-zababdar kortat vo he pillge modem zagrutai matui na mhonn disun ailam.

Bhangra khatir poriovoronnachem nisontton korinakat - boroupi Joe D'Souza

Gõyche zomnint kitlem bhangar liplolem asa tem polleunk kholayen obheas korcho poddtolo ani arthik nodrenui odmas korcho poddtolo, oxem zannkaramni toxench Geological Survey of India-n (GSI) sanglam.

Bhangar sodun kaddunk Dr. Nandkumar Kamat-acho sod unchamolacho mhonn Bengllurchea GSI-n mhonnlam. Tacho obheas dusreo khunna sodunk ek sondhi zaum yeta ani to upeogak poddunk xokta mhonnlam.

Gõyant fattlea 4 vorsank 2,500 choriyo - boroupi Stanley Vaz

Ponnje: Pulis khatea koddlean mahiti mell'lea tea pormannem fattlea char vorsank, sogllea Gõyant oddez hozar choriyo zaleat mhonn nond zalam. Don-don disank ek chori, ath disank ek tori khun vo gombhir ghoddnni hanga thoim ghoddta. Fattlea char vorsank jitleo ghoddnneo ghoddleat tantlea 50% guneanvanchi nit ani chovkoxi zavnk na mhonn gomun ailam.

DGP Bhim Sain Bassi hachi bodli zaupachi xekotai, CBI Khateacho Up-mukheli zauncho assa

PONNJE: Goenche Pulisecho mukheli DCP Shri Bhim Sain Bassi, bodli zaun vochpahco xekotai assa fuddem. Shri Bassi Goenat DGP cho ud’dho Marsache 18ver 2009 vorsa than sambhallun aila.

Khobram pormonnem Shri Bassi 1977 vorsa than Indian Police Sirvis-ent bhorti zalolo, to atam ghoddiek CBI khateacho Up-Mukheli zaun vochpacho sombhov assa.

Valpoi Chorie Prokarnnant Teg Tornatteank Dhorleat

VALPOI: Choriani misoll zalelea chear zannam modle teg zann-ank dubavan Valpoicheam pulisani dhoreleat. He teg zann zanchim nanvam zaun asa Devidas Utekar (25), Nazir Shaikh (21) ani Nasir Shaikh (20) Buimpal Satari angsorle nagrik zaun asa. Choutho Keval Gaonkar ozun porian sampddonk nam ani azunui poll kaddun asa ani pulis taka sodunk lagleat.

'Bhangra khatir poriovoronnachem nisontton korinakat':- boroupi Joe D'Souza

Gõyche zomnint kitlem bhangar liplolem asa tem polleunk kholayen obheas korcho poddtolo ani arthik nodrenui odmas korcho poddtolo, oxem zannkaramni toxench Geological Survey of India-n (GSI) sanglam.

Bhangar sodun kaddunk Dr. Nandkumar Kamat-acho sod unchamolacho mhonn Bengllurchea GSI-n mhonnlam. Tacho obheas dusreo khunna sodunk ek sondhi zaum yeta ani to upeogak poddunk xokta mhonnlam.

Amcheo Vello Ani 'Tourism'-acho Fuddar - boroupi Tomazinho Cardozo

Amchea Goyant 'tourism' ho ek vhoddantlo vhodd dhondo zaun asa. Kaim vorsam fattim minacho dhondo Goyank orthik nodren chodd mhotvacho aslo, ponn aiz to kall uronk na. Goy sonvsarantlem ek nanvlovkik 'tourism'-achem kendr zal'lea karnnan, 'tourism' dhondo aiz Goyant videxi duddu odhik haddta ani teach khatir 'tourism' Goyank khub mhotvacho asa. Goychea 'tourism'-acho 'focus' mhollear amcheo soimbik vello (beaches).

Ami Nanvam Purtim Kristanvam Kai? - Boroupi Tomazinho Cardozo

Kristanv mhonnlear konn? Zo monis Kristacho pattlav korta to Kristanv. Dusrea utramni zo monis Jezu Kristache xikvovnne pormannem cholta to Kristanv. Zo monis Jezu Kristan dilole updes pallun aplem jivit jiyeta to Kristanv. Xati fuddem kaddun Kristanv mhunn sangpak ami fattim ravona punn titlech umedin ami Kristachi xikvonn amchea jivitachi dixa keloli zalear khub borem zatolem aslem.

Goencho Charlie Chaplin Jacinto Vaz - Boroupi: MENINO FERNANDES, Valpoi

JACINTO VAZ

Khoddegant khambo to konknni palkacho,
Ansoun kholkhol ghali to anxeancho,
Palkar ubo raulearuch puro aslo,
Meleleank sudam to jive kortalo,

Gandhik Marloleache Daiji Zaleat Akantvadi: Shantaram Naik

Moddganv: Bharot desachea ekvotta ani ekchara khatir aplea jivachem boli poddlolea Mahatma Gandhicho khun kelolea mon'xache daiji aiz akantvadi zaleat, oxem Rajeo Sobhecho Khasdar Xri Shantaram Naik-an sanglem.

Igorzo, Devllanchi Surokxa Gorjechi boroupi Benjamin Miranda, Aldona

Goyant aslolim divllam ani igorzo amchea purvozanchi vhoddli dovlot ani itihasantlem daiz. Amchea Hindu somazachim divllam Hindu bandpeamni ani Kristanvancheo igorzo Kristanv bandpeamni bandleant mhonn kaim vaitt monache monis vankddo somoz lokachea monant ghaltat.

Logna adim dhorm bodlop nond korchem: Kaidea Aiyog

Novi Delhi: Ghov-bhaile modem ghottasfott vo kuxin sorun vetoleank fuddarak koslich oddchonn zaina zaunk, logna adim aplo dhorm bodlunk sodhtoleamni nitisobhe mukhar nond korchem mhonn Kaidea Aiyog (Law Commission)-an formailam. Toxem kelear jeo addkholleo logn zal'lim doxim zatana uprastat, teo vattaunk sompem zatolem ani khoinchea kaidea khal tem-tem logn nond zal'lem tem polleunchem poddtolem.

GEETACHER BICHOLECHEA PULISANCHO DHUMALLO: XEZAREAM SANGTAT

BICHOLE: Bhair sorlele khobre pormonnem kainch toxem nam. Ek Geetacho xezari Niz Goenkarak boroita:

He ghoddenche khoreponn aum anga boroitam. Aum Geetak ani tachea akhea ghorabeak porxim pok’ko ollkhotam. Ji kanni pulis DySP Bossuet-an potrakarank dilea tantun kainch khoreponn nam. Geetachea bapaicho ozun poriant divorce zaunk nam ani to ek ankvari jivit sarinam.

Ravi Lagchem Ghor Khatem Kaddchem: BJP

Ponnje: Goeant noxeachea vokdancho dhondo cholona ho Ghor Montri Ravi Naik ani pulis khateacho dhavo. Up Nirikxok Sunil Gudlar prokornna uprant fatt tharla. Hea prokornna uprant Ghor Khatem ani Goenche pulis khoinche dhiken chol’leat he spoxttponnan disonk laglam oxi tik’ka korun ghor montripod dhorun akhea pulis khateachi sompurn choukoxi korchi oxi magnni BJPin kelea.

Sankvak Dhopko Marun eklo Melo

NERUL: Speedbreakeracho odmas mevonk nam zaun Nerul vattarant Yamaha motorsaikolicho dhopko boson Shibin Raika hea 29 vorchanchea Orissachea tornatteak zagearuch moron ailem.

Rakpalak Kollovnni Potr

Ponnje: Rajpalak Dr. S. S. Siddhu-cher 'Right to Information' kaideak favo asloli mahiti diunk naslolean rajeo mahiti ayogan taka 361 kolma khal kollovnni-potr dhaddlolem. Tacher Rajpal Dr. Siddhu-n apnnak mafi maglea.

BABUSH MONSERRATE PONNJECHEAN VECHNNUKEO ZOGODTOLO

Ponnje: Taliganvcho amdar ani xikxonn montru Babush Monserrate fuddle vidhasobha vechnnuk Ponnje Motdarsonghantlean zogoddpacho nicheu kela. Fuddlea Marsant zaupache Ponnje Mahapalikeche vechnnukent aplea nanvan panel ubem korun vidhan sobha vechnnukechi rongit talim marpachem tannem tharoilam.

Devllantlea Choriam Sombondim Mukhel Sachivak Nivedan

Ponnje: Goeantlea devllani zaupi vaddtea chorianchea prokornnacho fuddlea att disam bhitor topas korunk nam zalear khor andholan kortele oxi xittkaunni kal Damu Naikachea fuddarponnam khal veg-vegllea devllantlea prothinidhini dilea.

GOENKARAM LAGUIM EKVOTT KORUNK MAGNNEM boroupi P. Cruz, Vasco da Gama

Aiz Goeant borench motem zuz cholta Congress ani NCP hea don pokxam modem. Aiz aum TV cher khobro polletana, anven Mickky Pacheco laguim mulakhat cholta ti polleli.

Vagator Bekaideaxir Partiecher dhadd

VAGATOR: Vagator vattarantlea dongracher bekaideaxirponnan ayojit kelele Natalanche Partecher Abkari Khatean dhadd ghalun sumar 70 ozarancho soro tabeant ghetlo.

Congressachea Nirnnoiachem Podlelem Nam: Codelik Bhukelolo Mickky Mhunnta

MODGANV: Aplea pokx shrextani apleak montripod melloun diupachem utor dilelem astana Congress Pokx xrextti kitem nirnnoi ghetat tachem podlelem nam oxem Banaulechea amdar Mickky Pachecon kal sanglam.

Devllant Chorio: Dokxinn Goem Bond Korpachi Xitkaunni

MODDGANV: Dokxinn Goyant athrea poirean devllani chorianche prokar allabanda addpache nodren kruti korpak fudlea 8 disam bhitor serkarak apes ailem zalear dokxinn Goem bond kortele oxi xitkaunni kal hea devasthana kodden sombondhit zallvanndaranchea xixttmondolan dili.

Rajkornneank Khella Mollar Fuddariponn Diunchem Nhoi Boroupi Nisser Dias

Commonwealth khellachem mukhelponn melloun gheupi Khasdar Suresh Kalamadin amchea deshant sod'deak boroch ghuspagondoll kela. Dor disa Novi Dil'lint khellam moidanaveleo banngoddeo ami TV-cher polleleat.

Goeant Bhonvddekarancho Ankddo Vaddta Ani Plastik Kochro-i Choddta Boroupi Stanley Vaz

Ponnje: Gõyant dispott'ttim bhonvddekarancho ankddo vaddot veta. Gõyche suttkechea 50 vorsanchea itihasant hea vorsa 30 lakh odik bhonvddekaram Gõyant yetolim mhonn odmas korun Gõychea Poryotton Khatean jahir kelam. Hea vorsachea fattlea 8 mhoineamni, dexi toxim videxi 21 lakh bhonvddekaram Gõyant ailim mhonn Poryotton Khatean nond kelam.

11 Tiatr Kolakarancho 14 Dezembrak Bhouman

Ponnje: Tiatrak yogdan dilelea 11 tiatr kolakarank Goem Tiatr Akademy 14 Dezembrak donparam 3 vorancher Modgao-chea Ravindra Bhavanant bhouman korteli.