Goeant itlem vegllem vattavoronn ubzot ani BJP-ik vhoddlem zoit mellot mhonn chintlem na. Khorench Kristanvanchim motam chodd poddleant hacho dubhavuch na. Hem ghoddlam kiteak Kristanvank bhroxttachar, lonch divop-ghevop, zata tem polleun kanttalo ailo.
Dekhun lokan BJP-icher nhoi ponn tannim dovorlolea umedvarancher visvas dovorlo ani tankam nivddun haddle. Tannim amkam nitoll ani promannik raj favo korchem. Dusrem sangchem mhonnlear jea rajeamni BJP sodrer aila thoim Hindutv dhoronn cholovpi BJP-iche bhagidar Kristanvank dhumallo ditat. Toslem matr Goeant khoincheach ganvant upkarchem na. Goencho sorkar dhormatitponnan choltolo zaumdi.
Sogllea dhormanchea mon'xank ap-aplo dhorm procharunk, mandunk ani pallunk koslich oddchonn korunk favona. Loka add kosleoch euzonneo haddcheo nhoi. Goenkar susegad aslolean tancho faido kaddpachim kamam korchim nhoi. Hea disamni Vidhan Sobhechem poilem odhivexonn cholta, Goenkaramni zagrut ravchem. Novo sorkar aila mhonn konnench nidun ravchem nhoi.
0 comments:
Post a Comment