Monday 9 April 2012

VANXIM PROJECT AILO ZALEAR SORVBHONVTIM ASLOLE ZUNVE BUDDTOLE MHUNNTA Pe. BISMARQUE DIAS

PORNNEM GOEM: Vanxim euzonn bhonvtonnche zunve buddoun uddoitolo and rajeachea poriavoronnacher bhirant haddtoli, oxem 'Kindness manisfesto'-cher Kumbarjua motdarsonghantlean venchnnukek loddlolo Pri Bismarque Dias-an sanglem. Archimedes totvacher atthapun, to prokolp sumar 2,00,000 lakh metranchi Vanxim asloli udka zomin puroun uddoitoli and tache udexim 'sea level' vhoir soron bhonvtonnim ravtolea lokak tras zatolo mhonn Pri Dias-an sanglem.
"Zomin purovpache proitn kele zalear, proiavoronnacher dhoko bostolo. Ek pavtt ti udka zomin puroili, bhonvtonnim aslole St Estevam, Kumbarjua, Akhada, Divar ani Chorao zunve buddon vetole," oxem Pri Dias-an sanglem. Tea padrichea sangnnea pormonnem, Vanxim prokolp fuddem vhorunk sodhtoleamni tea udka zomnicher do metr mati vo minacho kochro uddoun, tea zagear aplea 'clients'-ank 'villas' bandhunk sodhtat.
Te 'exclusive villas' tea 'artificial' udka zomincher bandhun ietole mhonn tannem xiddkailem. Tosli poristhiti pavsalleant polleonk mellta jedna 'bund' futt'ttat ani udok St Estevam-chea zunvear bhitor soron, anink sat lhan zunveamni bhitor sorta. "Zunvear ravtoleank ponovamni provas korcho poddta.
Monzati ani sorop gharamni bhitor sortat. Amche zunve 'sea level'-a poros panch metr khala asat. 'Scientists'-am sangata hanv vaur korun ailam ani to prokolp zor ubho zalo, tor tacho porinam amkam bhogcho poddtolo," oxem Pri Dias-an sanglem. Town Planner Edgar Ribeiro-chea 'colossal diaster'-achea sentiments-a vixim uloitana, notified Regional Plan 2021-a pormonnem Vanxim-che doria hotelam ani resorts koxe dakhoita mhonn tannem sanglem.
Regional Plan zor vevharant ailo, tor tacho porinam bhoimkhor zatolo mhonn aplea hatant 'mega phone' gheun Sao Francis Xavier-achea novenam disamni zagrutai haddunk vavurtolo Pri Dias-an sanglem ki 'Regional Plan' Bom Jezu Basilikechea dara-xim 'residential complexes' bandhunk ek 'licence' koso. Unnea sonkhechea lokachim kallzam jikunk ani BJP Goeant communal nhoim, punn Pornnea Goeank tea pokxacho ek master plan' asa mhonn dakhounk ek bhangarachi sondhi, oxem Pri Dias-an sanglem.
Te sondhecho faido kaddun, BJP-n 'buffer zone' ani 'construction zone' bandhun haddunk zai. Sumar ek xekddo Kongres pokxan te vixoiacher kainch ek nirnnoi gheunk na ani BJP serkar tem kortolo mhonn ami ravtanv. ASI-chea karbhara vixim chovkoxi zaunk zai, oxem tannem sanglem. – V.Ixttachachea upkaran

0 comments:

Post a Comment