Gõyche Rajkarbari - Boroupi Freddy Agnelo Fernandes, Dubai

Salazarachea hukumxayechi korun chiri
Gõykaramni ghulamponnachi toddli dori
Lokam modim sutleo sutkecheo zori
Ekcharan Bharot lokxayecheo dorleo miri

Lokxayek zavunk na vorsam bara
Gõykaranchea pottant vazlim bara-tera
Choramni khavn Maharastrachi dhall rotti
Gõyenkarank vikun chintlem borunk peti

Niz Gõykaramchea uleak zavn raji
Mandlem zhuz ekvottan fulloun xat’ti
Don panamchi hatant ghevn pontti
Fulacher utleli lasun dili ghatki vaiti

Don Pananchea zoitacheo vazleao ghanti
Gõykaramni dakovn dili ekvottachi xokti
Chor je ghatki-ponnachim chintna chinti
Sogleanchea tonddant poddli mati

Lokxayek vorsam azun zavnk nant ponas
Gõykarancho anik ek-pautti bond zanvcho asa suvas
Zaitea Gõykaranchim chintnam sopnam tosxich urlim
Goykarponn kobar zavpak paulam lagim

Amchea Rajkarbareank kainch na poddchem
Gõychem vo sogott Gõyche porjechem
Te matui chintinant Gõykarachea fudarachem
Tankam duens laglam fokot girestkai ektthavpachem

Atanchai Rajkarbareamni chintlam vikun khauvchem
Sobit sundor Gõy amchem Gõyekaranchem
Moteo-moteo imaroti bandpeank ani mina-dhonyank
Mavondecheani Gõyem dilam dista doti dhenneank

Rajkarbareamni Gõyank ghatlo mukhut brostacharacho
Gõyche Vidan Sobhent asa pongod chorancho
Lutt-mar, choreo, bolatkar, kirmi zatat disa-dispotim
Hakach lagun dista mhaka Salazarachi hukumxaich bori asli