Poleach panacher Vanxi vo Ilha de Capao vixim khobor vachlea uprant mhojea monak khup dukh bhoglem. Gõychea Arsebisp Filipe Neri Ferrao-n hi zomin viklea hache sarke purave asat. Purave astana nanv vibaddlem mhunnpak zaina. Igorjen lokacher oxe toren onit korunk kosloch odhikar na.
Zor Ilha de Capao pon'nasa voir lok ravta zalear to zago vibaddlolo koso zalo? Zor vibaddlolo zago zalear thoinsor ho lok fattlim 300 vorsam thavn koso ravta? Zor to vibaddlolo asa zalear thoim golf course, spa ani 7 star hotel koxem zatolem tor? Kull korpi he zomnir kam' korun aplem pott bhorpi Gõychoch lok.
Santa Monica Sonvsthe kodde asloli zomin 'Canon Law' kaidea khal koxi vikun khal'li? Ti-i zalear fokot 20 rupia chovrad metr kiteak vikli? Hea molan thoinchea lokak vikunk zainasli? Igorjen hi zomin vikchea adim lokak kiteak sanglem na? Kullkari lok Igorjeche dusman? Hem borovp khoreanich Gõychea sogllea lokan vachun sot jem lipoupachi kornni kelea ti noxtt korunk ekdom gorjechem.
Tujea potran zor kitem-i sot lipoupache proytn keleat zalear te kednach sufoll zaunche nant. Sot porzollit surya porim; tachea fuddeant fotti kednanch tigonant
0 comments:
Post a Comment