Sot sodun kaddun sobhemazar haddtana potrkarank zaitem sosunk poddta mhonn Gandhi-nagar Arkidiosezichea Arsebisp Stanislaus Fernandes-an sanglem. “The role of watchful media in the present situation” hea vixoyachea xibirant Arsebispan ulovop kelem.
Gujarati borovpi, kovi ani padri hanche soit sumar 60 potrkaramni xibirant vantto ghetlo. Hem xibir Setembr-ache 5ver Gandhinagar Arkidiosezichea Somajik Lok-sompork khatean ghoddun haddlem. Xibirachem ezmanponn Arsebispan choloilem. Potrkaramni sot sodun uzvadda haddunk vavur-chem mhonn Arsebispan ulo marlo. Atanchea poristhtin soglle sotak axetat mhonnlem. Povitr Sobhent zaite sant ani martir asat, tannim Kristachea sotache vatten choltana jivachem bolidan kelam, te sotache govai.Potrkaramni ani borovpeamni sota khatir vavurchem mhonn tannem sanglem. Sonvsarikoronn zatana durbollkay vaddot veta ani mon'xank tanche hok'k mellonant, tednam potrkaramni tallo ubarunk zai mhonnlem.
Gujarat Drama Akade-micho sochiv Dr. Pradip Azad mukhel soiro aslo. Potrkaramni borpa-vollintlean sot nodre mukhar haddunk tannem ulo marlo. Potrkaritechea zannkaramni tanchim sod-potram manddlim ani bhasabhas keli. Somajik Loksompork khateacho director Pri. Teles Fernandes-an yevkar dilo. - UCAN
0 comments:
Post a Comment