Atanch maka khobor meulea Vasco boball zalo mhunn voddlo
Ani hea boballan khuim mickey undrak broroch mar poddlo
Anink marinakat mhunnon dukhanim khuim babddo roddlo
Tache churchure korun taka kharewaddaila cholean soddlo
Ho boball choltanam konnem undracher marlem tapott
Eklo konn danddo ghevun tachem moddunk sodi penkott
Mar poddla to gheun gara ghelo fuim lokot, lokot, lokot
Hem dolleanim anvem pollounk na, kananim aikolam fokot
Ho undir sodanch goondank ghevun kortalo dadagiri
Punn he pautti Vascokaranim fuim taka bud xikoili bori
Anv sarkem sangunk nokom, hi khobor zalear khori
Kananinch anvem aikolam, dolleanim pollounk nam tori
Undir fuim Vasco ghel’lo dakounk aplem xanneponn
Punn Vascokarnim taka tapott marun bogoilem unneponn
Tosoch lojen fuim gara ghelo bond korun aplem tonn’nn
Hi khobor anvem kananim aikolea, sot zalear sangit konn?
Pattleam disanim to roddtalo padixer mhunnon khaunk rotti
Punn Vasco fuim to lokak vanttalo duddvancheo notti
Hem polloun fuim NCP-chea munxeank loz bogli motti
Punn henvuim anvem aikolam, noko sot sangtat ou fotti
Punn anv anga sangtam fokot aikolam tem kananim
Hi khobor goddlea mhunn maka sanglam zaitea zannanim
Maka dista ho undir eok dis mortolo lokachea maranim
Patkanchem farikponn diunkuch zai heam 40 choranim
Thursday 28 October 2010
Subscribe to:
Post Comments (Atom)
1 comments:
Ho undir mezta aple dis,
Kedna to nanch zait, polloiat fuddle dis.
Post a Comment