Ponnje: 'Goa Meat Complex' ho sod'dea boroch luskonnant cholta mhonn khobor mell'lea. Hea komplexant gorvam katorpachem promann vaddlam. Adim dor disa 10 gorvam katortalet zalear atam 30 tem 40 gorvam katortat. Gõybhor be-kaidean ani choryam khup gorvam katortat, tim zor hea komplexant haddlolim zalear, hangachem utpon'n vaddtelem aslem. Sod'deak Gõycho sorkar hea komplexak duddvanchem onudhan dita ani tache udexim 67 kamdar pagar ghetat.
Halinch hea komplexant ratchim 12 tem sokallchim 8 vaztam ratpalli suru kelea. Hangasor jim gorvam katortat, tacher 75 rupya mol akartat. Rat palli suru kelolean komplexak dor mhoineank ek lakh rupiya utpon'n mellta. Ani veg-vegllea kamam udexim complex-achem utpon'n dor mhoineak 1 lakh 5 hozar rupiya zata.
Pagar, bizli ani udka bil toxench komplexachim her kamam hancho soglleacho komplexak dor mhoineak 15 lakh rupya khorch zata. Komplexachem utpon'n fokot 2 lakh 5 hozar rupya zata. Sorkar onudhan dita mhonn hea luskonnachi bhor mhonn gomta. Hea komplexachi poristhiti itli vaitt zalea, Gõychea sorkarak dor mhoineak 11 lakh rupya khorchun hem komplex cholounchem poddta. 'Animal Husbandry' khatea torfen he duddu ghaltat.
Halinch hea komplexantle kaim rakhiv zage 'meat export Ltd.' He komponek bhaddeak dila. He komponicho sombhond M/s Zuma Foods hankam dila. Ho kontrad janerache 28ver 2010 vorsa zalolo. Hi koblat panch vorsank kelea. Kontradaram koddlean hea komplexak dor mhoineak 12.15 lakh utpon'n zal'lem mhonntat. Komplexant aslolim kaim yontram bodol'lear odik bore toren vavr korunk zatolo mhonntat. Hem Goa Meat Complex 1982 vorsa suru zal'lem ani eka kallar nettan choltalem. 10 tem 15 vorsam adim hea komplexacher gonddoll cholta mhonn khup arop yetale.'2005 vorsak sorkaran eke komponicho kontrad rod'dh kel'lo. Disak 36 gonvaram komplexant katortat Ponnje, Moddganv, Vasku sarkea xaramni 2,98,217 kil mas dusrea rajeantlem yeta.
Gõyant dispott'ttim gorvam katortat tanchem mas Gõykarank pavona mhonn sangtat. Haka lagun kollta na kolltam Gõycho lok dusrea rajeamni thavn yetolea koslea-i masacher ravchem poddta. Hachi soglli khobor adim "masachem sot'teanas zata?" hea mathallea khal ami dil'li. Fattlo Abril tem atam meren 333 pavtti masacheo topasnneo zaleat. Ani fokot 4 zannancher kexeo nond keleat. Ani tancher chovkoxi chalu asa mhonn 'Goa Meat Complex'-antlea unchlea odhikarean sanglam.
1 comments:
Goyant cholta ghanttianchem raj. Tea passot ho vibadd. Hem soglem zagear podlelem zai zalear ami poile he dukor vinchun kaddtat eleisao-ank tankam bhair marunk zai ani nove bore munis vinchun addunk zai zalearuch soglem zagear podtelem
Post a Comment