Iskolantlea madheomak lagun Hindu ani Kristanvam modem vegllozar rochun donui somazam modem futti ghalum nakat. Kaim monis apun des-mogi ani bhase-mogi mhonn somzotat; tanchea ulovpantleanuch vegllozar distti poddta. Fattlea kallant nagri lipicho boball ani atam madheomacho boball, sogllo boballuch korunk ami urtoleanv. Nagri lipi Hindunchi ani Romi lipi Kristanvanchi mhonn kitlo vegllozar distti poddlo. Atam madheoma vixim tosloch boball; Konknni vatten Hindu ani Ingelzi vatten Kristanv asat mhonn te gazoitat. Inglandant, Canadant aslole Goenkar Konknni soddinant.
Inglez xiklear Konknni xikunk zaina mhonn somzotat kai!. Bhurgeank bhas xikunk chodd goroz mhonntat ti, sogllea vattamni upeogak poddta tosli. Atam ami computer kallant asanv. Komputarachi bhas Inglez. Tacher Konknni utram nant, teknikal utram Konknnint asot ponn tim azun meren konn vaprina, sobdkoxantui tim sompeponnim mellonant, osleo zaiteo oddchonneo asat. Dekhun lhanuch astana bhurgeak Inglez xikoilear odik borem nhoi? Teach borobor Konknni vixoy xikunk compulsory korcho. Vhoddle-vhoddleangele ani girestanche bhurge bhailea desamni kiteak dhaddun xikoitat? Amchech vollkhiche kitlech asat.
0 comments:
Post a Comment