Varem by Freddy Agnelo Fernandes, Dubai

Khuim tuzo oromb, khuim tuzo xevott,
Khonnak ga zabab mevott
Khuinchean tum yetai, khuim tum vetai
Him chinttnam mon’xak guspaitai

Khitli ti lambai, khitli ti rundai
Monis ekdomunch chinttunk poddlai
Khitli ti unchai, khitli ti kholai
Khonnachean sangonk zait gai ?

Khuimsor tum vostai, tikhan khuim khortai ?
Mon’xachean sodunk kaddunk zait gai ?
Khitli ti ghottai, khitli ti movalai
Khonnamchean mapunk zait gai ?

Xitollkaien tum ietai, khuxallkai haddtai
Monis ekdomuch dadoxi zatai
Bollan tum ietai, zhaddam tum moddtai
Monis ekdomunch bhieun kampettai

Kupam tum haddtai, pavs-ui ghaltai
Mon’xeank zomin modur korun ditai
Xet’kamti xetant zaiti pikavoll kaddtai
Sogott mon’xank jevonn pavoitai

Ieatanna goddgoddo, zoglam ghevun tum iettai
Sonvsar ghazoitai, ontroll zogzogit netoitai
Monis hem vichitr ghoddneo onbovtai
Devache rochnnenk ekdomuch ojeaptai

Somdir gazoita, tuffan tum haddtai
Mon’xeank khodkhodde sodttai
Vaddol-moll haddun, Ghoram tum moddtai
Mon’xeache halavall tu kortai

Mon’xeachem jivit tujeruch asot
Tuje viret khaich ek na urrot
Payem tuje poddttam vinonti kortam
Monxa’kullak samball mhun magttam