Xit koddiechi voddvik amkam Gõyemkarank
Khoinsor ami asum sodanch asta amchea jevnant
Fest-porbechem mez sobonam nallachi koddi naslear salant
Aiz kazaranche matvant pasun dista ghalun dovorli kunneant
Nallachea chunrecho gamm, tambde mirsangancho rong
Ghalun jirem, sambar, losun-haldhicho song
Melloun ghetat fattre rogddeacho gom-gom
He porim vhadtta mirem-valenacho domm
Zaito lok mixeramni mirem-vallen ddolloita
Koslo faido, khori ruch mat nam mellta
Gostachem jevonn jeunk zai tor tuka
Mirem-vallen sodanch fatri-rogddear ddoloi ixtta.
Nallachi koddi chalti ani fonn marun kortat
Tantunt fokot solam, tomat, irvie mirsang ani piao asta
Thodde udka pauti nallacho ross ghaltat
Tatunt anik kainch asona, taka kollou vo ankvar koddi mhonntat
Nisteache koddieacho onbhovuch veglo asta
Koddek ietoch umballo, tatunt nisteak galtat
Nisteachi koddi thoddo vell xizonk ditat
Kitem tacho pormoll, tondak udokacheo zori suntat
Nalla nistea-koddiecho suvad itlo vorto
Firgeani pasun kanto kuler soddun dilo
Hatamni, xit ani nalla nistea-koddieacho onbouv veglo
Jevun zatoch bottam chivon koddieacho suvad chaklo
Bhailo lok ulasta korun ugddas Goyeche nalla nistea-koddiecho
Munglukaramni sungttanche koddiean bende ghalun zabab diunk chintlo
Kitloch tokos kelloi zalear, kodinchi zabab divunk nam zanvcho
Ruchik-suvadik Goyemche nalla nistea-koddiecho
Tuesday, 31 May 2011
Subscribe to:
Post Comments (Atom)
4 comments:
Sobit boroup bab Freddy ani Bab Joel, Amche Konkani baxen boroilelem bouch ruchik lagta. Vachunk umed eta and jivak dadosponn bogta. Tumkam Devan lamb auk diuchem anikui mai baxen romi lipint lekh ou kovita borounk. Aum sozmotam amchem Goenkar je Romi Lipik zogoddtat te vachta astelem mhunnon he lekh ani kovita. Hi ek sondi Goenkarank Vauraddeanchea ixtta Pattlean Niz Goenkar-acher Romi Konkani Vachunk
ANTAM CHICKEN RANTANAM "CURDS" "SUBSTITUTE" GHALTAT, KHUINCHAI GANVANT NAR'LLACHO RHOSS NAM THOIM. DEVA PAV. AMKAM THOR NAR'LL KHUB MEUTAT.
AUM EK LAHN KIDDOH ASTANNAM REGINALDACHEO ANI BOUVENTURACHEO ROMAXHI VACHI. ATAM THOR SABHAR INLEZ "CLASSICS" VACHUN CHALLIS-CHAR PIRAICHER AUM MASTER INGLEZ "LITERATURE"ANT DEGREE GHETLEI ASTANNAM MHONTAM KIM . KONKANNI ITLI SOBIT BHAS ANIK NAM.
Jose bab, tumchea urbevont uttrank khalzant thaun Dev borem korum mhunntam, tumchea hea uttaramni maka anikui urba delia
Post a Comment