Goyche dotorer tortoreche ambea zhaddam asat
Fernandin, Musrad, Mankurad, Furtad nanvamni ollkotat
Ruchin ambe khavpak ekdom bore lagttat
Hakach lagon ambeak follancho Raza mhonntat
Irve, thambde ani holduve rongache ambea-zaddar distat
Koblanim dukhoinastanam hollu hollu korun kaddtat
Tancho dikh ghorom udkan pusun tonnant te ghaltat
Ambe piktoch sorbhonvtim ghorak pormoll ximpdaitat
Ambea ambea kitlo mhonn tum godd ga
Chiddun chiddun ros tuzo chivun piyecho ga
Tujea parvechi gostt vosom sor chinvcho ga
Ambeacho koro svadd sodam osoch ghenncho ga
Vhoddlea mon’xanger konnui pavon sollear
Ambo katrun boxent ghalun haddtat mezar
Xireo korun dovorit tor ambeachi ruch piddear
Parieak pasun kainch mellonam chinvot zalear
Ambeacho ghonno ros mon’xakullak pavlo botlinim
Mangadd ani Jam undeank lavun khailem zaiteanim
Ambeachim sattam korun bhailea desant dhaddlim
Solam tachim Goyche nall’la koddient poddlim
Ambo ek paut khailo zalear, anikui khavun dista mukar
Sogott lok ambeacho sodanch korta pukar
Goddsanicho sagor mhunnon sogleancho vichar
Hakach lagon ambo follancho raza mhunn kortat sivkar
Thursday 2 June 2011
Subscribe to:
Post Comments (Atom)
2 comments:
COSTH.. MHUNTALE THO KHOREANICH "MALKURAD". MOJEA SEZARI FELIXAK AUM 25 CAJUCHEO BIEAU DIUN EK AMBO GHEVUN CHHIVON-CHIVON KHATALOM. "FERNANDHIN" AMBOT, "SACRETHIN" GHODD, "BANK-CURRADH" TORNO KHAL'LEAR UMEDH,. "GHONTTAM" TOR SANGECHE FUTBOL KHELLUNK VETHANAM UMETHICHIM.
HAI MHOJEM GOEM!!
Mankurad ambo thondantlo soddum disona. Kath passun aum khatam. Punn atam Goyant ghanti ambe eunk laglea forsan pikoilele te khaun Goykar duent poddonk laglea. Goyche ambe te Goyche ambe
Post a Comment