Ponnje: Sukraradis Goenche niaisobhen Mahanand Naik, khunnmareak jivitachi bondkhonn favo keli tannem eke 32 vorsanche ostorecho khunn kelolo Bambolle ganvant 2007 hea vorsant. Ut’tor Goenche niaisobheche juiz Nutan Sardesai, hinnem 40 vorsanchea Mahanandak jivitachi bondkhonn favo keli, jedna sorkari vokilan mornachi khast magli nam.
Hi zaun asa poili khast Mahanandak, zacher 18 ostoreank marpache arop asat, punn ache poilim sat aropantlo taka niropradhi mhunn te khottle bhair uddolele. Niaisobhent taka velean 1.3 lakhancho multo ghatla Bambollechea prokornnant.
Hirvem rongachem khomis and jeans ghalun aslelea Mahanandan kainch vegllochar dakounk nam, velean zalear amurkoch anso addlo aplea mukhamollar, niaisobhentlo bhair sortana.
Pulisani tacher daklo ghatlolo tannem Susheela Fatarpekarak Otubrache 24ver 2007 vorsam marun uddoileli mhunnon. Markoran Susheelak dupatto gheun gomtto fugar korun marlea uprant tichea angar aslelem soglem bhangar kaddun velem ani tichi kudd ugttea molar soddun pollapoll kadleli. Susheela zaddu marpachem kam kortali eka khazgi karkanneant.
Taka IPC chea 364, 302, 392 ani 201 hea koloma khal ottok kelolo. Serkari vokilan 21 govaiank topas kele.
Shirodechea Mahanandak, pulisani Abrilache 21ver, 2009 ottok kelo tannem aple ghorkarniche ixttinichi moriad vibaddli mhunnon. Topasnnechea vellar tannem apleo her krimi adarleleo teo sogleo pulisek sangon dileo.
2 comments:
Jivit bhor bondhonn kiteak? Faxi marunk kitem zatalem? Oslea doudirea kirmidorank jive katrun katrun, kuddke korun marunk zai. Bongoum tachea ghorabeachem koslem unneponn tannim sonsunk zai and koxim tim babddim he lojen jietelim.
Sorkari Vokilan mornachi khast kiteak magli nam??? Heo tea doudirean krimi adarleat teo moujek and taka gollachi faxi favo zai nezo dekun??? Hea Sorkari Vokilache bailek thannem toxench kel'lem tor vo Sorkari Vokil ou Bokil kitem kortolo aslo. Amim subeiz fuddem chintunk naka. Hem jem ghodtta tajech urxim gomon eta ki ho soglo drama ou tiatr mhunnon. Anink eka mhuineam bitor Mahanand-achem formonn courtant umtotolem ani tak portun nir-opradi mhunnon sodttelet. Taka soddlea uprant ho deuchar, heam choranche bailam pattlean laglear puro.
Post a Comment