Thoddim vorsam zalim 'Geological Survey of India'-an Raxttrik Somudrvidnean Sonvstha (NIO) hannim Gujaratantle Okha vatarantlem Dwarka xar doryant buddlolem tem sodun kaddlem. He suvatek Bharotant surya poddchi suvat mhonn pachartat, ti suttun Arabi somdirant gel'le porim asli. Hanga thavn tarvotti Galfachea desamni vochun lamb viaj suru kortale ani apli viaj surokxit zaunk te svater thambeache namne uddoitale, allap mhonnlole bhaxen boroil'lem asa Konknnint Deva Pav mhonnlole porim dista.
Goeant zaiteo rajvottkeo aileot ani geleot. Xekim Portugez aile ani apli bhas ani aplo dhorm hangasor thaplo. Zannim tankam virod kelo, te pollun Konkan, Ratnagiri, Malvan vataramni gelo. Thoim Malwani pottbhaxen Konknni uloitale, taka Malwani Marathi mhonnuk lagle. Tea kallar xime bhair kazaram zatalim. Goenche suttke uprant Marathi xikovnk sompem zalem karonn tednachea Goenchea sorkaran Konknnik chepoili ani Konknni bhaxechi udorgot zaunk pavli na. Fokot Marathi sudarorloli asun Goencho 40% lok somzotalo, ani zaiteank ti faideachi zali.
Uprant kaim vorsamni Konknni bhaxen aplim pallam ghott kelim ani aple ostongim ti ubi ravunk sogllea add mhelleank fuddo korunk xokli. Toripunn tichea mullank lipincho ronvott lagun devnagri ani romi modem futt ghalunk suru zalem. Europi lipi ostomtechi zalear nagri lipi niz Bharoti lipi; oslo vegllozar rochlo ani atam Inglez madheomacho proxn ubzoilo.
Zaitim zannam Europantle soglle des Inglez uloitat mhonn somzotat. Khorem mhonnlear Europache sumar 22 des asat tantlo fokot ekuch United Kingdom des Inglez uloita, tei zalear tin veglleo boli vapurtat, Scottish Scotlandant, Irish Irelandant ani Inglez Inglandant.
Zor sorkaran Inglezik onudhan dilem zalear Bharotant ani sonvsarant Goenchi osmitai ibaddtoli. Ami Bharoti nagrikam, amkam tin kherit khunnam asat. Khaxelponn, lipi ani bhasechi boli (dialect). Hem tor sanddlem zalear ami amcheach sonvsarant dubhavamni urtoleanv ani ze Goenkar Konknni tanchi avoi bhas mhonntat tannim Marathikuch vechem poddtolem, kiteak Goeant tich fokot Bharoti lipi.
0 comments:
Post a Comment