Aiz aum vachunk boslom Niz Goenkar sodanche porim anven bhett dili Konkani vibhagak, zo purai Romi lipint asa. Bhou thodde comments anven pollele hea Konkani vibhagar. Punn sobit kovita ani lekh thoinsor asa te polloun jiu dadoxi zalo. Goenkar gunngunntat and zuztat Romi lipint Konkani korunk, punn hea Niz Goenkarachea Konkani vibhagar konnuch dixtti poddona. Konnuch aple lekh dhaddlele disona.
Romi Konkanicho vibhag angasor assa amkam rauta punn bhou thodde boroupi ani comments ghalpi, bhairaun :Joel Morais, Freddy Agnelo Fernandes ani Menino de Valpoi (Sompaddpi). Oxem kiteak? Konkani baxent boroupam dhaddpachi konnuch tozvit korina oxem maka dista.
Aum magtam Goenkaram laguim zankam internet meuta ani je konn sodankal Niz Goenkar vachtat tanche thaim hi sondi gheunk ani Konkani vibhagar aple comment dhaddunk tech porim bore bore lekh dhaddunk jea vorvim amchim Romi lipint Maim bhas voir sorteli.
Ami Inglez baxek xallani adar mevonk zuzle, itlench kelear zaina. Amchi Romi lipintli Konkani ek dharunn moron moronk zaina.
Uttat Goenkarando and zagrut zaiat. He sondecho lab ou faido gheiat. Osli sondi amkam Goenkarank meuchina. Niz Goenkaracher amchean bhienastanam amchea monantlem borounk zata. Vauradeanchea Ixttar sudam te Censor martele ou zor tor tuven Rajkarbhariam add kitench boroilear amche Pilarche padri tem xapun addchenant. Anven sabar pautt lekh pattoilele Vauraddeanchea Ixttar punn te tanni xapun addunk nam. Vauraddeancho Ixtt zaun assa KUMPAR amdarancho ani her rajnithint vavurtelea chorancho. Devachea navan amche Padri soglem korunk xinkleat.
Tor mogall Goenkarando uttat ani tumche lekh Niz Goenkaracher pattounk survat korat. Tech porim ami amchem comments ghalumia Konkani Vibhagacher jea vorvim boroiteleank anikui urba meuteli Romi Lipint Konkanint bore lekh borounk.
