Korta eklo ani bhogta dusroch oxi Konkani baxen mhunn'nni asa. Fattlea disamni Balli ganvant UTAA-n kelolea virodhi ghoddnneamni hi mhunn'nni lagu korum ieta. Khobre pormannem he ghoddnnent anik konnacho tori hata aslo mhonn gomun ailam.
Ho virodh korunk niropradhi magas vorgachea ani magas zatinchea lokak sangata ghetlo. Hea virodheak hozaramni magas lokacho tenko meulolo ani odikuch nett ailo punn tancher pulisen lathi mar ghalun zaito lok zokhmi zalo.
Thoim chodduch uchambollai vaddun geli, tea vellar magas vorgache dog vavurpi, Maguesh Gaonkar ani Dilip Velip hankam markoramni lottun zolltea ujeant uddoile. Te dogui tornatte dusreanchea noxttea kortubank lagun morunk pavle.
Jea vellar serkara lagchean amcheo gorzo pallunk zainant tea vellar lok rostear eun aplo hok'k bollan dakhounk sodta. Oxem zatoch lok kaido aplea hatant ghetat.
Punn toxem ghoddta tedna, samanea monxeank, odhik korun niropradheank sojea bhogchi poddta. Toxem ghoddonk upkarona. Balli ganvant ghoddlole ghoddnnecher serkaran sompurn karvai korchi goroz asa ani opradheank koddok sojea favo korchi mhunn amchim magnnim.
0 comments:
Post a Comment