Chintllear jivit Goykaranchem kainch mhaka somzona,
Zaito monant nyall kelo, punn ekui vinchar yena.
Bhaile lokan sodun kaddlim liplelim mankam-motiam
Goykar fokot horak melleat kainch tachean korunk zaina
Ami zuztat ghevn zat-kat
Baxek lagon eka mekak kortat fatt.
Amkam bondd korun, sekaran dili voilleank vatt,
Pallovli uzvadachi ponti, ami amchoch ghetlo ghat.
Potramni kelim ekdom vhodlim borovpam
Xatti doddavun gailim kantaram.
Amcho ganv, amchem ghor, punn amchem kaim cholona
Dolle ason kud’de ami, amkam kaim disona.
Amchea modim zhogddim, Maink keli niraxi,
Dukham gollovun Maim roddli put-dhuvo ravonk nam visvaxi.
Adlem Goem atam nam, nodrek yena Jack Sequeira sarke fuddari
Ami fokot navanche Goykar, Goykar Goeamt zaleat pordexi
Tuesday, 14 June 2011
Subscribe to:
Post Comments (Atom)
