Undir-Mazrachi Apa-lipa - Boroupi Freddy Agnelo Fernandes, Dubai

Sukhi ghorant ek ghorvali ani mazor ravta,
Mazrachi ghorvallik ekdomuch avodd asta
Chodd-so vell mazor tichea ghoppant khellta
Mazor aplim davkhulam lenvott xempdi halloita

Sukhest ghorabeant ek odruxtt bhitor sorta
Xanttichea ghorant ek undir apli boska gheta,
Apurbayechea ghorabeant ek vhodd tufan uprasta
Hea tufanan ghorachi bunyad dekun haltta

Ratcho undir kuznan aslem jevonn chakta
Purai kuznant jevnnacho ibadd korta
Mezar pasun kochro korun udoita
Dis uzvadche adim aple golient lipta

Kuznacho bes polloun ghorvali thottakta
Mazracher don-char chodoita, mazor nakarta
Hem kam’undrachem zaun asta
Ghorvali undrak marpacho hokum galta

Mazor zaito tokos geta, punn undir kosoch na mellta
Undir sodantch mazra poros ek panvl fuddem asta
Dor disa undrak lagon mazor dande khata
Sokall zatoch mazrak kampero sunta

Mazor undrak dorpak ghorantleo zaite vostu foddtta
Punn undir kosoch hatant na pavta
Ghorbor vostu futon kobar zatat tori undir na mellta
Undrak dorunk zaina mhonnon mazrak bhair ghalta

Undir babddo chintunk podtta, mazracho husko zata
Mazorui apnna bhaxen zonvar mhunn somzota
Mazra thaim undir mafi magta
Mazor portean ixttagott man’nun geta

Hi kannim zaun asa Tom Jerry kartunnachi
Him ghotkulim sogot lhan-voddank sontosanchi
Him polloun zanteachim toxim nentteachi tondda hanstim
He kartunn toyar kortoleak sogleamni chepim kaddchim