Bãimchem Udok - Boroupi Freddy Agnelo Fernandes, Dubai

Sonvsarant jivit udkacher asa attvololem
Udka viret kainch ek jivem urot naslem
Udkachem dhennem varea baxen vorthem
Udok kuincheai jiv-praneak bhouch tharonachem

Udok nam tor dhotorek bim utpon zauvchem nam
Udok nam tor mon’xeank jevon melchem nam
Udok nam tor mon’xanchi tan bagchi nam
Udok nam tor jivit susegadin jievnk zanvchem nam

Adlea tempar ganv-ghoramni bãimyo aso
Itlo svadik bãimche udka-gontak koso ?
Kitleim-i piechi fuddem anikui piyeun diso
Osoch aslo xitoll bãimchea udkacho viso

Razvak bindul bandun baint denvoun udok kaddi
Hat ani bend haloun-haloun chokracher razu oddi
Bindulak hat galum bindul tem lagim haddi
Bindul handir marun ghorant udok bori

Ghorchi bãim sodanch sap nitoll astali
Vorsak ek pautti tori tika uspovtali
Bãimchea udkan purvozamni sukhi jinn sarli
Pidda duesanchi gulam tim nam zalim

Nollachem udok atam ghoramni pavta
Tea udkant gular ghatla-so dista
Xizoinastana tem udok pie naka
Tore torechim duensam tatuntlean ieta

Apurbayen ulo martam somest lokank
Bãim asa tor teo samballun dovorpak
Bãimchem udok pumpamni nhoi punn hattamni kadpak
Suvast udka borobor kasrath zavoun bholaikii bori urpak

Kitlo lok suvast xitoll bãimchea udkak axeta ?
Noll-botlimnim bhorun ietlea udkak suvad nasta
Bãimchea udkak, fokt zorichech udkan zabab asta
Tor bãimchea suvast xitoll udokan sukest jivit tumkam anvddetam