Mullavem xikxonn Konkani, Moratti ani Inglez bhaxenui aschem vo tem fokot Konknni ani Moratti bhasamnich aschem hea vixoiacher motti chollvoll zali. Sorkaran aplo nirnnoi dilo. Tea nirnnoia vorvim aplea bhurgeank khoinche bhaxent mullavem xikxonn diunchem ho avoi-bapayancho hok'k sorkaran rakhun dovorlo.
Konknni, Moratti vo Inglez hantuntle khoinchei eke bhaxen aplea bhurgeank mullavem xikxonn diunk sorkaran avoi-bapayank sondhi dili. Mhunnche atam jea avoi-bapayk aplea bhurgeak Konknni mullavem xikxonn diunk zai zalear Konknnintui diunk zatolem, Morattint zai zalear Morattint zatolem ani Inglez bhaxent zai zalear Inglez bhaxen-ui zatolem. Khorench lokxayechea totvank sobta toslo ho sorkaracho nirnnoi.
'Hidden agenda': Punn khorench vhodd durdoivi goxtt mhunnlear amche Konknni bhaxeche fuddari zannim Moratti bhoktank he chollvollint adhar dila/dita ani Konknnichea nanvan Moratti bhas rakhun dovrunk proitn korta. Xebas mhojea Konknni fuddareamno! Are mhojea Konknnichea fuddareamno, fattlea 20 vorsank tumche lagim ek poriant novi Konknni mullavi xalla ugddunk ghoddlemna hem kitem dakhoita? Archdiocesan Board of Education (ABE) hannem choloilolim sumar 130 Konknni mullavim iskolam kuxik dovorlim zalear Hindu bhav choloitolea kitlea iskolamni tumi Konknni bhas ghali re papiamno? Hatachea bottancher mezum yeta titlim punn? Hem tumchem fuddariponn? Vo to ek 'hidden agenda' aslo kai ti vegllich boli ani Devnagori lipint Konknni bhas Kristi porjecher thap'pachi?
Visvasghat: Avoi-bhas mhunn vhoddlean bôbô marpi amche fuddari punni promannik asa? Gõykaranchi avoi-bhas fokot ekuch ani ti mhunnlear Konknni bhas. Oxem asa zalear hem Konknni fuddari Konknni bhaxe borobor Moratti bhaxekui tenko kiteak ditat? Hi tanchi kornni kitem dakhoita? Tankam Konknni bhaxe poros Moratti bhaxecho odik mog asa kai? Moratticho mog aslo mhunn kainch vaitt na. Punn tumich nhoi te adim Moratti bhaxechea pattlavddarank vaitt utramni pachartalet te? Tuminch nhoi te Moratti bhaxek Gõyant koslich suvat na mhunnttalet te? Ani tuminch nhoi te akhrek Moratti bhaxekui Rajbhas kaideant ogllo unno Konknni sarkoch zago ditat te? Ani tuminch nhoi te Devnagori lipi Rajbhas kaideant misoll korun Romi lipi pattlavddarancho visvasghat kela te? Hoi, tuminch te!
Dhongiponnam: Konknni fuddareanchim nattkam aiz sarkim ukttim zaleant. Tanchim khorim rupnnim aiz porjen polleleant. Te kitle svarthi ani dhongi tenvuim atam dakoll zalam. Kaim udharonnam oxim asat.
Mullavea xikxonnant Inglez bhaxek sorkaran onudhan (grants) diunchem nhoi mhunn te Morattivaleank sangata gheun azun poriant zogoddta. Punn tantuntle kaim zann svotha apunn Inglez bhaxen mullaveo xalla choloitat.
Anik kaim Konknni fuddari je Inglez bhaxe add zhuztat te aplea bhurgeank ani natrank mullavem xikxonn Inglez bhaxent xikoilam ani xikoitat.
Chodd-xea Konknni fuddareamni aplea putam-dhuvank Konknni bhaxent mullavem xikxonn astana poryant Konknni bhaxent diunche bodlek Moratti bhaxent dilam.
Anik thodde fuddari asat je svotha apunn Inglez bhaxent mullavem xikxonn xikleat, aplea bhurgeank Inglez bhaxent mullavem xikxonn xikoitat punn dusreamni mat Konknni bhaxent mullavem xikxonn gheunk pokim bhaxonnam kortat. Oslea fuddareank dhongi nhoi zalear kitem mhunnpachem?
Sompoitana: Hea Konknni fuddareanchea ontoskornnantlea kornneancho kallo rong atam soglleak ximpoddla. Adim tannim Konknnichea Romi lipi pattlavdarank sarke fottoile ani tankam visvasghat kelo. Dekhunuch tanchim dhongiponnam aiz sogllea Gõykarank koll'leant. Tancho svarth uktto zala. Tancho zativad fulounche yotn soglleank pottlole asa. Konknni porza anik ek pavtt visvasghat korunk tankam koxich sondhi diunchina.
2 comments:
"kalcho monnis aich monnis nodr marun poi"
"kalchem jivit, aichem jivit niall korum poi" satvek astannan tomazinacho mado ami iskolant gailo modur tallar.
Tomazin bab tumi DSE che fanki Headmaster ason and Assemblyintle speaker asson, he vixoiacher tumi kitem kelem.
Amche "pezzad" Kristanvannim amkam utranich fottoile. Fudarack amche vatter "kantech kannte"
konkani sodun goem poloy ,samke ordkute. konkani amchi volokh ,ani ti samalik jay unnet unem don vishay konkanit saktiche koruk favo. poyli te baravi meren . na jalear sarkarache nove policit marathicho faydo jatlo. sarkar poyli te dhavi meren konkani option marathi dovorta. goemkarcho ghaat jatlo. TENNA atach jage javya ani goemyant fokot konkani-english soktichi karunk magya.
Post a Comment