Mog - Boroupi Freddy Agnelo Fernandes

Moga-vixim ami aikolam zaitem
Mhonntat moga viret ravunk zavchem konem ?
Mog mhollear ek vhodd umannem
Sodtat zaitem punn mellta thoddem

Sogot mhunntat mog vortho ascho
Romeo-Julieta sarko mog sarcho
Mogak kedinch na doxim khorcho
Mogacho bandpas thoddun nhoi udouncho

Ghov-Bailecho mog ascho visvasponnacho
Avoi-Bapaik mog aplea burgeancho
Tosoch Bhav-Boinnicho mog nhoi chalto
Zaiteank asta oprub mog aplea deshacho

Ixtt-ixttinicho mog ascho monan nitoll
Dhormachoi mog amkam zaun di xitoll
Zhadam -zonvarancho mog asonk zai puskol
Vaitovea jivitacho ani vostuncho mog nhoi sufol

Mog na thoim xanti vosona
Mog na thoim kuxall’kai asona
Mog na thoim visvasponn urona
Mog na thoim sukhi sovoskai mellona

Mog zaitea zannak varear uboita
Kitlech zannak to dotorer xevtita
Todde Mog fulche adim sovnsar soddun veta
Mogachea dokean zaite pixe zaun bhonvta

Khorea mogacho onnbov noxibank favttolo
Poixekarani mog vikto gevunk chintlo
Mogachi petchi na pontti kitlie grestkai otouxi
Mogak tum fokt Moganuch jikhxi

Zaite zann mhonntat mog mhunnon kuddo
To pollenam gorib-girestayecho puddo
Zat-katicho asona tankam husko
Hoch asta niz mogacho turo