Bhubaneshwar: Hindu dhormvadi Bajrang Dal 'Prevention of Communal Target Violence Bill (PCTV) hacher addkolleo haddunk proytn korta mhonn gomun ailam. National Advisory mondollachi vhoddil Xmt. Sonia Gandhik hem bill lagu korunk desa bhailea odhikara thaun sot'tea mell'lea.
Ho ek ontor-raxttrik sorkara add bhag. Ani hantunt Hindu dhormvadeancher ani tanche fuddareancher odik lokx dovortolem, oxem Bajrang Dalacho nimontrok Subhas Chouhan sangta.
Amerikechea kaim sonsthamni Bharot desacher dekh-rekh korunk billacho mosudo toyar kela. Tantunt Kashmir, Tripura ani Manipur hea vattarantlea Hindu lokache poristhiticho ul'lekh kela mhonn Chouhan sangta. PCTV Bill 2011 lagun rajeo sorkarachea vavrant billacho probhav zatolo ani hache vorvim desant 'Federal Polity' toyar zatoli mhunn Bajrang Dalachea fuddareamni arop ghatlam. Zativadachea akromonnant khoimchi-i sonvsthechea kamdarak aropi kelo zalear hachi zobabdari te sonvsthechea vhoddilacher astoli. Ani tachi kainch chuk nastana legit arop ghalunk zatolo, oxem Chouhan sangta. - Courtesy Vauraddeancho Ixtt
0 comments:
Post a Comment