Saturday 11 June 2011

Koglli porim zaum nakat - Boroupi Freddy Agnelo Fernandes, Dubai

Mhojea bhurgeponnar Kogull chodd nadd suknnem mhonnlolem aikolam. Kogull aplo guntter korina ponn kavlechea guntterant vochun tachim tantiam bhair uddoita ani aplim tanttiam ghalta. Kavlo noko zaun kogllichea tanttiank ub diun pil'le kaddta. Hachi konn nit kortolo? Hem fokot suknneachea vidianik zannaran sangunk zatolem.
Koglli porim Goeantui ghoddnneo zatat. Fattlea disamni disallim potram zaiteo khobro haddtalim: Inglez iskolank onudhan divpacher ani medium of instruction-ak lagun konn konn rajki mon'xank porbim ditale. Hem zhuz avoi-bapain suru kelem, zhuzlim ani jiklim. Ponn xabaski divpache sondex Bannavlechea ani Navelechea amdarank vetale. Amche modem zaite chamcha asat tankam duddvancho ani vostuncho adar mellta.
Zor durupeogachi rajkornni zoitache zababdari zalear lokak kiteak rostear haddunk zai aslo? Lokak rostean haddi nastana lokache proxn suttave kelear borem aslem, ponn hem amchea Goeant zaina vo khup fattim asa. Amche rajkornni bore huxar, lokachea khustar apnnak man zoddunk sodtat.
Goenkarank mhoji vinonti hea pottiam fattboll ditolea rajkoronneank koglli porim kortoleank pois dovorche. Favo thoinch ani favo tankanch xabaski diunchi. MOI hache chollvollecho man fokot avoi-bapaikuch favo.

0 comments:

Post a Comment