JACINTO VAZ
Khoddegant khambo to konknni palkacho,
Ansoun kholkhol ghali to anxeancho,
Palkar ubo raulearuch puro aslo,
Meleleank sudam to jive kortalo,
Kall bolandlo tum amkam ghelear soddun,
Dusro TUM amkam konn diit addun,
Hansoitaloi thondantlem utoruch kaddun,
Dista tuka porot addunk so oddun
Sodlear passun tuje oslo dusro meuchonam,
Konknni palkacho rikamo zago boron eunchonam,
Devan tuka anik Xembor vorsam kiteak dourunk nam?
Fuddle pindkek tum kiteak pollounk meulo nam?
Ghalun gheloi tum konknni palkak burak,
Tuje oslo nam konn anik tichea dirak,
Fankarloi tum “CHARLIE CHAPLIN” akhea Goa xarak,
Kotta nattak zaun gheloi tum ekach farak.
Konnuch nhoi tum Uncle mozo,
Punn vhodd obhiman amchea Goencho,
Goenkarani sodanch tuzo ugddass korcho,
Khoreaninch tum hokdar vhoddvikaecho.
JACINTO VAZ assa mhunnon gomlear tiatrant,
Tiatr pollelea bogor mon zai naslem xant.
Nimanno pollelo tum ailolo tedna Kuwaitant,
Jezun tujea otmeank gheum sorga rajeant,
Hem aum magtam Uncle kallzache khoraiek than.
Saturday, 15 January 2011
Subscribe to:
Post Comments (Atom)
3 comments:
Amchea Jacinto Vazak "Charlie Chaplin" mhunok ek false chal gaun gele. Kitlea Goenchea lokan Charlei Chaplinak poila ghai? Amchea lokak western culture boro lagta mhun oslim navan ditat. Tech porin pathin eklan Mira Mar than Dona Paula rostak Goencho Nariman Point mhun Pacharlo. Koslem pissaponan !
Mogall Ixtta, Taka anven pacharunk nam CHARLIE CHAPLIN mhunnon. Punn Indiechea Raxttrapotin taka pacharlolo mhunnon "CHARLIE CHAPLIN". Tech baxen anven khorea Charlie Chaplinank pollela ani tache sangata mozo fotu kaddlolo asa. Atam chodd kall zalo he gozalik. Aum porxim tache laguim uloilolo assam.
Hey Mister Ek Goenkar,
Jacinto Vaz, eok oslo comedian aslo and tachem acting tor tunvem polloilolem, to sarko eok Goencho Charlie Chaplin aslo. Tunvem kitle tache Tiatr polleleiat re?? Tachem bendd moddok, daktteo mixeo lhaun, anso dant dakoun, tachea modem anink Charlie Chaplin-achea modekot khaim ontor nasli. Amcho Goencho Charlie Chaplin mhunnlem mhunn tuka khup dhuk bhogli? Tumchea Jua kitle asat osle mhonnis?
Post a Comment