Goyant aslolim divllam ani igorzo amchea purvozanchi vhoddli dovlot ani itihasantlem daiz. Amchea Hindu somazachim divllam Hindu bandpeamni ani Kristanvancheo igorzo Kristanv bandpeamni bandleant mhonn kaim vaitt monache monis vankddo somoz lokachea monant ghaltat.
Khorem mhonnlear Goyant tea kallar Goykaruch loka modle karpinter vo thovoy ani gonvdde ani imaroti bandpi asle tanninch amchim zaum divllam zaum igorzo bandleat. Tanchi kola pollelear kaibori nazuk ritin asat; hem daiz itihasik tanchi surokxa sorkaran korunk zai. Hem zanno zaunk zaiteam zannak kotthin lagtolem vo ho anik piso kitem sangta oxem-i goddiyek konnakui disot, ponn amchea itihasik bandavollinchi kola itli nazuk ti bhov chotrayen pollelearuch tem disun yeta. Fonddeam talukentlem nazuk ani itihasik Mosjid asa. Hea sogllea bandavollincheo
Sorkaran samball korcho. Kaim monis amche modem xellyam modem landdge koxe guslole asat. Tanchea kallza monant rokddeoch vaitt yevzonneo ruztat. Khoinchea-I vellar te kitem-I korunk xoktat. Dekhun sorkaran khoinchea dhormanchem tem pollenastana soglleank surokxa diunkuch zai. Halinchea disamni kitleoch choryeo divllamni ani igorzamni zaleat, ponn azun chor ani addnaddi monis sampddunk nant. Dusri gozal mhopnnlear rakhondaram-i modem borea monache monis asunk chodd gorjechem, na tor gorcho bhedi bhailo chor zaunkui xokta. Atancho dusman dhormik zageancher guri ghaltoch sogllem aplea tabeant zatolem mhonn somzota. Goyant surokxa unni zait veta oxem amkam dista. Lokacherui bhirant uprasta. Amchea mukhel montri Xri Digambar Kamata-n pulis khateak ani tachea odhikareank amchea nazuk ani kolevont dharmik bandavollinchi koddok surokxa korunk xiddkavche mhonn amchi nomr magnnim.
0 comments:
Post a Comment