BICHOLE: Bhair sorlele khobre pormonnem kainch toxem nam. Ek Geetacho xezari Niz Goenkarak boroita:
He ghoddenche khoreponn aum anga boroitam. Aum Geetak ani tachea akhea ghorabeak porxim pok’ko ollkhotam. Ji kanni pulis DySP Bossuet-an potrakarank dilea tantun kainch khoreponn nam. Geetachea bapaicho ozun poriant divorce zaunk nam ani to ek ankvari jivit sarinam.
Kaim barik barik uzotink lagon tim kuxin rautat ani tanchea gharacher ani bhattacher niaisobhent dhaklle choltat. Geeta ani tachi avoi teach gharant thoisoruch rautat pun tacho bapui aple naikinni sangata dusre koddent rauta.
Koxei toren aple dhaklleanchi fotkiri nokol korun, tannem ghor eklea Suman Shirodkarak viklam mhunn dakoupachi tozvit keli ji zaun asa fott. Suman ani ticho ghorkar hea Geetachea gharant zobordosten bhitor sorlim and aplem pennem kelem. Punn tankam khorem karann gomon ailea uprant, tannim tem ghor soddlem ani tache khore hokdar Geeta ani tachi avoi sodanche porim tea gharant ravonk laglim.
Geetachea bapain, Sumanachea adaran hi supari pulisank dili and pulisani bekaideaxir, hea gharachea khorea up-dhoniank zobordosten bhair kadlim. Niaisobhent tancho tokrar kelolo asa to ozunui cholta ani niaisobhent kainch hokum bhair ghalunk nam tankam tem ghor ritem korunk ou gharantlim bhair soronk. Tem bhatt ozunui ekvottit zaun asa Geetachea avoi-bapaichi ani pulisank kosloch hok’kh nam tankam tea gharantlim bhair ghalunk, ani tenvui zalear kainch kollit korinastana ou boll vaprun.
Te ratik 5 zann pulis ani bhail pulis ailelelim, aplim athiaram gheun tankam vaitt korpachea monan. Pulisani, soglea Geetachea xezaream samkara ou dolleam mukhar, Geetak ani tache avoik bollan, tanchea kensank dorun oddit ghara bhair addlim, tim babddim bobo ani ueli ani khiuncheo martalint. Ek pulis odhikar ubo also to, DySP lagchean ukhumeo ghetalo ani odik ani odik abuz zatalo.
Uprant tankam pulisani tancheach gharant bondi keli ani kakut nastanam marunk survat keli. Hi ghoddnni sumar ratrichea 10 :00 vorancher suru zali ti modian ratr mhullea chaluch asli. Ami ambulance eta ti polleli tichea bhonge vachtale tichea avazan. Pulis xezareank ambddunk lagle and daundaunk lagle. Ti ambulance kaim vell thoinsor rauli ani uprant porton gheli. Bhailean khobro zaunk lagleo ki Geeta ani tachi avoi somandhant nam ani jinn vochon podlelim asat mhunnon. Uprant xezareank kollon ailem ki tankam bhorinch marleant mhunn pulisani, khontani ani muttini tim sintida bhair poddo sor.
Uprant pulsani porot tanchem dhar bond kelem ani don constable ani ek jeep dovorli thoimsor ani apunn koddsorle. Sokallim he kanniek dusroch voll dilo pulisani. Potrakar ani TV jedna Bossuet-ak bhettonk aile tedna tannem amurkoch ansun hi kanni sogli fotkiri mhunn sanglem ani pulisani kainch boll vaprunk nam mhunn sanglem. Bossuetachem mukhamoll dakoitalem ki he soglem tannem toiari korun kelam ratrichea kallokant, dhaku-vam porim.
Khobro meulea tea pormonnem, kollit zalam ki Geetachea bapain, Sumanchea adaran pulisek borich motti lonch dileli mhunnon ani heach passot pulisani he bekaideaxir paul marlem. Munxeakullacher otheacher kelo ani munxeakullacho hok’kh moddlo kallukachea adaran. Ezilda Sapeco ani Bossuet zaun asa ixttam ani kainch axea nam, Geetak ani tache avoik niai meutolo mhunn Ezilda lagchean. Jedna ami Ezildak bhettonk ghele barkasai ani choukoxi korunk, Ezildan amkam nixkalljiponnan pois kele.
Geeta ani tachi avoi ozuin bollikent asa, dukh ani mar ani ozun voizuki nikhall bhair soronk nam. Borench augodd zatelem ek khoro niz vozuki nikhall mevonk GMCint than, karann Bossuet-acho upeog korta Vishwajit Rane aplem burxem kam Bicholent korpak ani dogui zaun asat ixtt.
Ami upkar magtam Niz Goenkar-a laguim, kakutin amkam aplo tenko diunk, sot uzvaddak addunk ani pulisechea orixtt odhikaream fuddeant pavonk.
0 comments:
Post a Comment