VALPOI: Choriani misoll zalelea chear zannam modle teg zann-ank dubavan Valpoicheam pulisani dhoreleat. He teg zann zanchim nanvam zaun asa Devidas Utekar (25), Nazir Shaikh (21) ani Nasir Shaikh (20) Buimpal Satari angsorle nagrik zaun asa. Choutho Keval Gaonkar ozun porian sampddonk nam ani azunui poll kaddun asa ani pulis taka sodunk lagleat.
 |
| Police Odhikari Dhavean than Uzvean: PC Anil Hazare, HC Ankush Sawant, PI Shivram Vaigankar, PSI Chandrakant L. Naik, HC Umarye, PC Sandeep Azgaonkar ani PC Govind Gawas ani boson asat the teg chor |
Valpoi pulis chowkecho mukheli Nirikxok Shri Shivram Vaingankar-achea sangnnea pormonnem he chear opradhi choriani misoll zalele asat. He chearui opradi 9ver Janerache, ratrichea vellar, xallechea varea zonel foddun bhitor sorun ek Computer, ek Hard Disk ani motherboard chorun velo. Pulisam pormonnem ho ek zomo, zo barik barik choriani misoll asa ani pulisek mahiti gaunchea lokan gomoilea, pulisen he mahiti gheun tankam dhorle. Lokak dubau poddlo he tornatte ratriche bounlele distalet mhunn.
Pulis opxeal PSI Chandrakant L. Naik, Havaldar Ankush Sawant and Umarye, pulis constable Anil Hazare, Sandeep Azgaonkar ani Govind Gawas PI Shivram Vaigankarachea khala hea tegui tornatteank ottok kele IPC 454, 457 ani 380 koloma khal. Ottok korun dhorun addlea uprant, tegui pulise mukhar kobul zale tannim hi chori kelea mhunnon ani choriecheo vosut khoim lipoilea ti suat tannim pulisank dakoili. Tanche laguim computeracheo sabar vostu meuleo zoxe porim CPU, BATTERY ani MONITOR je pulisani zopt korun aplea tabeant ghetleot.
0 comments:
Post a Comment