NERUL: Speedbreakeracho odmas mevonk nam zaun Nerul vattarant Yamaha motorsaikolicho dhopko boson Shibin Raika hea 29 vorchanchea Orissachea tornatteak zagearuch moron ailem.
Hea vixim Kongott-chea pulisani dilele mahite pormonnem Shibin ani Salpem Candoiecho Roger Gonsalves he dogui Nerulchea Amigoz Bar ani Restaurantant randpi mhunn kam kortale.
Poir 5 Janer, modian ratri Rogeran Shibinank apnnak vorpak ghara laguim apoilo. Shibin apli GA01 F3893 Yamaha motorsaikol gheun Salpeam ghelo ani Rogerak gheun Nerul kamar etanam vatter aslelea speed breakeracho taka odmas ailo nam ani tacho motor saikolivelo tabo ghelo. Motorsaikol sankvak vochon aptoli ani Shibinak zagearuch moron ailem zalear Roger zokhmi zalo. Pulis Up Nirikxok Harish Gaunsan Panchanamo kelo. Shibinachi kudd Post Mortem kelea uprant moddeam kuddint dovorlea.
0 comments:
Post a Comment