Ponnje: Goeant noxeachea vokdancho dhondo cholona ho Ghor Montri Ravi Naik ani pulis khateacho dhavo. Up Nirikxok Sunil Gudlar prokornna uprant fatt tharla. Hea prokornna uprant Ghor Khatem ani Goenche pulis khoinche dhiken chol’leat he spoxttponnan disonk laglam oxi tik’ka korun ghor montripod dhorun akhea pulis khateachi sompurn choukoxi korchi oxi magnni BJPin kelea.
Goeant noxeachim vokdam nam oxem avahan ghor montri Ravi Naikan kelelem. TV Channelachea potrakarani Sting Operationantlean noxeachim vokdam virodhi fanteacho adlo Up Nirikxok Sunil Gudlar koxe toren videxi choliank noxeachim vokdam vikta he dakhoilam.
Atala ani Dudu hea Drug Dealeram soit Nilombhit Pulix Nirikxok Ashish Shirdkar ahnchi choukoxi korp Up Nirikxok Gudlar noxeachim vokdam vikta hem uzvaddak ailelean pulisancho khoro rupkar lokam mukhar aila. Ghor Khateacho karbar koxe koxe toren cholta hem spoxtt zalam. Hea khateavelo lokancho visvas ghela. Ho visvas portun mellouchea passot veg-veguim ghor montrea soit akhea khateachi punorchonnuk korpachie goroz asa oxem BJPchea mhunnairean Rajendre Arlekaran kal potrakaram laguim porxim uloitanam mhuntlam.
Hea adim uzvaddak ailelem Drug Mafia Pulis sombondh choukoxe khatir CBI ou her swotontr yantranne laguim diunchem mhunn BJP magnni korit asa. Punn serkaran he magnnem berea kanar ghatlam. Atam novim prokornna uzvaddak ietoch tori serkaran drug mafia pulis sombondh prokornna svotontr ientranne laguim diunchi goroz BJPchi magnni asa.
Porxim Sunil Gudlar noxeachim vokdamchea dhondeant gusplelean ozun poriant drugs mafia pulis sombondh prokornna vixim ji choukoxi zalea te vishim dubau toiar zala oxem tannem mhuntlam.
0 comments:
Post a Comment