Bangarachem Gõyem Amchem by Freddy Agnelo Fernandes, Dubai

Gõyem amchem vozreanchem,
Gõyem amchem ghosghosanchem,
Gõyem amchem rosrosanchem,
Gõyem amchem khuxallkayechem,

Sobitai tuji utranim vakhandunk zaina tosli
Sobitai tuji monant niallunk zaina tosli
Sobitai tuji dolleanim pollounk nam tosli
Sobitai tuji kananim keddnanch aikunk nam tosli

Udentichem nokhetr mhunnon pacharlem tuka
Turistanchem thikan mhunnon ucharlem tuka
Girestkaiyeachem bhandar mhunnon porgottlem tuka
Ak’kho sonvsar umedin ravta bhettunk tuka,

Xetam bhattanim bhorlolem Gõyem amchem
Follam molleanim vostolem Gõyem amchem
Zori nodhinim vhanvtolem Gõyem amchem
Minnam-dongranim bhorlelem Gõyem amchem

Irvea zhaddamni bhorlole dongurle tuje
Kellim, maddanim posvolle ganv tuje
Ambe, ponnos, kajunim vhanvtole molle tuje
Udkant attvolole dristikon zuvem tuje

Vello tujeo bhangaracheo
Zori ani nodi tujeo nitoll udkacheo
Tust gaitat tujea xitol vatavoronnacheo
Doryar tujea khelltat botti nistem marpacheo

Apurbayeche moje Goyemche porjek martam ulo
Kosloch veglochar, behed-bauv kodinch nam ascho
Ekvottan ravun Goyem mateco respet maan sambalcho
Goyemcho ani Goyemkaramcho amkam sodanch husko ascho

Hattak hat dorun udorgotiche paunde ami choddche
Fudarachem boreponn chintun pavul ami marchem
Paryavaran ani vathaveranache nehem ami chinttan padche
Bangarachem Goyem amchem samballun dhovorchem
Goa Jai Ho – Viva Goa

Gõyank amchea okosmat dhoko bhoslo,
Oslo ghatt khorit mhonn konnench chintunk naslo
Tujech put-dhuvamni tujea kallzak toplo balo
Ghorcho bheddi ani bhailo chor zalo

Amdar-Montreamni tuje dongor viglle kele,
Tujea vorixtt mollamni bhaileank haddun posle,
Tuzo khusvo foddun, minn kaddun pordesi desant dhaddlem
Khoslem mhonn odruxtt tujer dhenvun ailem?

Tannim tujea udarponnacho faido getlo,
Aves korunk zaina tanchea ghatkiponnacho
Girestkai ekttavpacho kiddo tankam laglo,
Oslea onupkari bhurgeank, tuvem zolm diun koslo faido?

Tujeach Odhikareanim tujem unchlem nanv bhuim uddoilem,
Tancheach bhurgeamni, soireanim zaiteanchem nirmollponn fapsailem
Vik-odhrusti vogddamni tujea fulltea kolleanchem nisontonn kelem
Bhangarachem Gõyem amchem, Amdar-Montreamni chorun khalem