Mhojea 37 vorsanchea jivitant mhaka Goenche suttkecho orth azun somzunkna? Ami Goenchi suttka zali mhonntanv. Punn Kavrem ganvantlea bailam ani bhurgeam soit 90 lokak koidi kelo. Minachea udeogak lagun tancher choltole oniticher nixed marun ani soimbachem noxtt korina zaunk ulo marlo. Hem minachea udeogpotincher add zalem; dekhun tea lokak guneanvkari kelo. Goenchi tor suttka zalea zalear hea lokak koidi kiteak kelo?
Thoinchem varem, udok ani akhem poryavoronn produrxit zata, torui astana bekaideachim kortubam polleun soimbachi rakhonn korop mhonnlear vhodd oprad koso distta. Min kaddpacher konnuch add na punn sogllea kamak xim' asta. Jednam ami xime bhair pavtanv tednam moniskullacher sonkoxtt uprasta. Min kaddun kaddun ani karkhanneantlem vikhallem bhair sorun amcheo piyeupachea udkacheo bayom vikhalleo zaleat. Hacher odik lokx ghalche suater ami filmancher ani kovitancher nixed martanv.
Cypriano pulisechea tabeant astana morunk na? Atalak pollun vochunk soddlo na? Scarlet-achi moriad ibaddun jivexim marunk na? Vikhallim vokhtam Goeaant sompeponnim mellonant? Oslea kamamni pulis bhageli nant? Jivexim marop, moriad ibaddop ani choriyo korop hem sogllkem vaddot veta nhoi? Goeaant Purtugez raj choloitana oxem ghoddlolem ami pollelam kai? Mhaka khobor na, hanv Goychi suttka zalea uprant zolmolam, ponn zanttim sangtat tem hanvem aikolam. Itleo vaitt vostu ghoddtat teo vattavunk ani upraslole proxn suttave korunk amche suttke zhuzari kitem kortat? Te fokot Purtugez nanvam kaddun uddovnk sodtat. Amchem Goem produxonnantlem, vaittantlem ani noxttantlem nivarunk tanche kodde zaina. Ami zor dusre upay gheun vavurlear te amkam ugrvadi ani desghatki koxe lekhtole.
0 comments:
Post a Comment