Koslii vost mhaka vaitt disona vo onitichem mhonn hanv mandun gheina zalear, tacher add koso zhuztolom vo tem nopoit korunk koso vavurtolom? Hench amkam Gõykarank halinch Kiran Bedin dakhoilem. Ti Gõyant yeun tinnem zannvayechem ulovp kelem ani Gõykarank bhroxttachara add zagoile. Somazant vaitt ghoddta te vixim ami zagrut asunk zai ani tem vaitt amcher okman ani onit mhonn amchea jivak bhogonk zai, bhoglem zalear amkam rag yetach.
Bhroxttachar zata to amcher okman mhonn bhogonk zai aslo. Dekhun amkam tachi khobor pasun asona. Zaite Gõykarank bhroxttachar cholta mhonn khobor lagom na. Sadea lokak nagoitat ani pillun khatat. Lok Pal Bill toyar korun tem Vidhan Sobhent pas korunkuch zai. Vidhan Sobhentle vangddi tem spomeponnim pas korpache nant, karonn te zannot magir kitem zatolem tem. Apleach hatamni manddlole raterint apnunuch poddlo mhonnlole porim zatolem. Toslem bill bhair uddovpak te addnaddkam kortole. Dekhun lokachea fuddareamni chotur ravchem. - Courtesy Vauraddeancho Ixtt
