SWINDON: Goenchi porza aiz sokallim fuddem, 21ver Maiache eka zobordost zogllaunean zagouli aikon khobor eka dharun ani marekar krimichi ji krim adarli eka Goenkaran dusrea Goenkarachi, 20 tarker Maiache 2011, ratrichea 09:30 horancher, Englandachea Swindon Xarant. He Krimicho dhoko somest Swindonnant rautelea Goenkarank boslo, ani Goenkar dixtti poddle pattlea vortan zomeani ektoulelel Raimundo Pereirachea gharant.
 |
| Ansto Kheuto Ghorabo, Raimundo aplea ghorkarni ani puta sangata |
Ragachim ani khontichim lharam dhanvtalint Swindonant rautelea Goenkaram modem. Goenkar sogllech uchamboll zalele and chodd dukhi zalele aikon hi marekar khobor. Kaim zann xiraptalet ani vilaptalet khunn mareak. He ghoddnent sogle Goenkar ghott zaleat ani oxem dison eta ki jivit angach somplem oxem. Soglem vattavoron thond aslem. Ek ghoddgoddo marlelea porim amcho Goenkar bhau 40 vorsancho Raimundo Pereira hea sounsarantlo nattak zalo dourun eksuri pattlean aple ghorkarnink Mariak ani aplea chodda mogachea panch vorsanchea putak Samuel-ak
Niz Goenkar fuddem soron he ghodnnechi topas keli. Hea vellar amche laguim chodd barkasai nam he ghoddnnechi torui punn amche sodpusi vorvim ji mahiti amkam meulea ti vachpeam fuddeant dovortam.
Hi ghoddnni he porim ghoddli:
 |
| Raimundan aplo prann soddla ti suat |
Raimundo zaun asa Vhoddle Goencho ganvant, Saleria Waddea-velo. To kazari ani tanchea ekvottacho eok put Samuel zo sodeak fokot panch vorsancho asa.
20/05/2011, Raimundo zo ratricho nokrek veta WINCANTON component South Marston angasor, to sodanche porim aple ghorkarnink and putak adeus korun bhair sorlo kamank vochonk. Khotta! Babddeak khobor nam zali ki ho tacho adeus zaun aslo mhunnon nimanno zaun aslo mhunnon. Taka kainch khobor nam zali ghath ani moron apleak bhair rautam mhunnon. Ektoulelea loka modem choltele gozalin oxem aikonk ailem ki Raimund gharantlo bhair soron tin ghoddio passun zaunk nasleo, tedna pattlean than tacher suriano var zalo. Dusro eok Goenkar Edino Carvalho, zo sodeak Swindon Pulisechea tabeant asa, tannem pattlean eun poile var Raimundache gomtter kelo. Uprant taka soeg dinastana tacher var korit raulo.
Tache sangata anik dog zann sangati asle je kamank vetalet ani Raimundachea khala nokri kortale. Tatuntlo eklo danvlo ani Raimundachea gharachem dhar nettan dhaddoun tache ghorkarnink gheun ailo, Punn khotta rogtan buddlolo Raimundo sogloch surien katron sumar sotra var, hea sounsarak thoinch ontorlo. Tisro sangati aslo to pollon ghelo ani nattak zalo.
Raimundachi ghorkarn pauchea adim Swindonache pulis don khinna bhitor thoim paule and vatavoronn aplea tabeant kelem. Voizui eun sorle ani tannim zaito proitn kelo Raimundak sambhallunk, punn kainch korunk ghoddlem nam. Pulisani rokddoch markorak ottok kelo zo pollon vetalo suri bhair uddoun. Swindon pulisani kainch nhoi korun tachi patt ghetli ani taka dhorlo ani to sodeak khoidikhanneant asa. Tech porim Raimundache ghorkarnink apoun adtelea tornatteakui pulisani aplea tabeant dovorla, eok govai koso ani taka konn benkddainam zaupak. Raimundak Great Western Hospital-ant velo punn soglem nirfoll zalem ani voizani to somplo mhunn aplo nirnnoi dilo
Aiz sokallim 21/05/2011 Niz Goenkar kaim pulis odhikareank meulo, mahiti gheunche khatir, punn pulisani, thondaien ani borea utrani mahiti nakarli sangon hea vellar tanchean kainch diunk ghoddona mhunnon, karann topas kam chalu asa tea passot. Punn tannim amkam porvangi dili marlolo te suateche fotu kaddpak punn matxe pois than. Te konnakuch dinasle torui amkam dile fotu kaddunk
Ek pulisancho zomo sodtalet marpak vapurlelem athiar jem markoran bhair uddoilelem lagxilea zaddanchea zompani. Pulisani sunne poriant vaurak lailele. Bharim koxttoun ani thokos gheun xevottak hem atiar ou suri pulsani sodun kaddli, jem kam Goenchea pulisam laguim zaunchem nam bhairaun 41 CrPC khala konnakui innocent munxeank ottok korunk. Goenche pulis itlench zanno zoxe porim Manjunath Desai pulis Nirkxok Goeam fokot 41 CrPC ottok korta innocent munxeank
Hetu he krimicho ou khunnacho: Kaim lok uloitanam oxem aikonk etalem ki Raimundo zo zaun aslo bhou mogall ani thond sobavacho, apleam ixttam, sangata ou aplea kamar sangateam sangata mogan choltalo ani apli nokri uxearkaen kortalo taka component unchli zuddti ani boro vauraddi mhunnon puroskar favo kelolo. Markorak tachi nosai zaleli, taka unchli zuddti meuli ani apleak mevonk nam ani tache atha-khala kam korchem podtelem hi nosai zali ani tannem tacho ghat ghetlo
Kalliz fuddta jedna Raimundacho malgoddo put aple avoik vincharta, “Daddy azun kiteak eunk nam kamank than?”
Zoxi amkam anik mahiti meuteli ami tumche fuddeant addteleanv
Markora bod’dol konnakuch kosli mahiti aslear tannim - Wiltshire Police on 0845 408 7000. or call Crimestoppers anonymously on 0800 555 111. ankam khobor diunchi
1 comments:
Somplelea amchea bhavak Devan sorguinchem raj favo korchem ani kirmidorak ujeachem ifern favo korchem. Nixturponn! Xi ollxik hi! He baxen konn korta. Ho porinnam zaun asa Goeam montreani toiar kelelem bim.
Post a Comment