Onvdumchem Gonvllik Voros amchea Arsebisp xristti khatir bhettoilam ani ho vixoy "Mon'xa-xristticho korar Deva- Mogacho rupkar" vinchun kaddla. Devan poili nisorg ani nisorgantleo her vostum nirmann korun uprant mon'xak rochlo.
Hea sonvsarant sukhache poinn kortolo zalear amkam soimbachi chodd goroz. Punn aiz kal ami kitem polletanv? Sogllech vatten udorgot. Udorgotichea nanvan zhaddam-peddam, xetam-bhattancho ani dongracho ibadd zaunk lagla. Udok ,hova produxit zait veta. Haka udorgot mhunnttat?
Kitleanch suvatancher bhuimkampi, cyclones ani her torecheo vaitt ghoddnneo zatat. Hache zababdari dusro nhoi punn aminch zatanv. Axek lagun ami xristtichi beporva kelea. Fuddarak ghoddie amche lagim duddu, girestkay asot punn hacho soglleacho faido gheunk mon'xank bholaiki astoli kai? Amchea purvozamni nisorgacho samball kel'lo mhunn ami aiz meren sukhan jiyetanv.
Amche fuddle pillgek nisorg samballun dovrunk amchi zobabdari. Haka soglleamni ekvottan vavrunk goroz. Tor ami sogllim sangata mellun Devan rochlole xristticho samball korunk hatan hat ghalun vavrum-ia.
6 comments:
Bai go Greta "Mon'xa-xristticho korar Deva- Mogacho rupkar" acho a tokto korun Arce-Bispak Vanxim zunvear vorun ubho kor sang.
Gobor Bab tuji Konkani ekdom bori ani maka dista tujean bore bore lekh borounk zata hea Niz Goenkarachea Bhagar. Valor tuka aum sozmotam DLP atam tori zagrut zatolo mhunnon.
GRETA GO, MOJER RAGAR ZAINAKA TUJEA BOREA MONNAN BOROLOLEA LEKHACHO HANV KHUBUCH ULEKH KORTAM. PUNN JEM NIXEDAN AVEM MHONLAM TEM KALZACHEA SONTAPAN.
JOE BAB, MOJEM MOTT TUMI MANDTAT MHUNN MAKA VHODDD SONTOS. TUJEACH OSLEA UMMALEANCHE MONNIS AIZ NIRSHEL'LIA GOENKARANK SPHURTI DITAT.
MOG ASUM RATICHIM BARA VAZLIM.
Mogall Gobor bab ani Joe Bab, mojem kalliz sontoslem ani aum chodd dadoxi zalom tumi dogui itli bori Konkani Boroitat mhunnon. Aum chodd khoxi tumcheo bhavna hea vibhagar dakoileo mhunnon. Tosoch aum chodd khoxi tumcho Konkanicho (Romi lipint) mog polloun. Tumche oslem anikui sabar Goenkar assa. Mojem magnnem tannim hea vibhagar eun amchi Konkani bhas Romi lipint zata titli porgottunk ani nanvlokik korunk. Tumche lekh assat zalear dhaddun diat. Maka kama fuddem vell mevona, torui punn aum vell kortolom moje laguim ghoddta te baxen ho bhag amcho vaddounk ani choddounk. - Menino de Valpoi (Sompaddpi)
Tuka Dev Borem Korum bab Menino de Valpoi. Tuje he proitn amchi Konkani Jivi dourunk romi lipint sodanch sufoll zaum and Dev tujer ani tujea ghorabeacher sodanch aplem besanv ghalum
GOEMCHO ANI MAIM BHAXECHO MOG. KONN POILO NIDDUNK VHOITA TEM POLOUM-IA
Post a Comment