EK KOVITA boroupi Lino B. Dourado, Utodd'dekar

KONN TUM?

K Konknno ga hanv, Goyche dotorer
          Khorelo zolm hanvem ghetla
          Konn tum? Atam vichar korta
          Khuxin ravpi xezari, vhoilo zala

O On-Goykaranchem Goyant zalam bhiradd
          Ollkicho monis tintear disonam
          Ostomte vatten pavla Goykar
          Oxir vatter paim ghalunk vatt mellonam
N  Nopoit zavnchea adim amchem Goy
          Nodor ugti dorun pollevnchem asa
          Nidhon ami urle zalear
          Namaste! Dev boro dis sompcho asa
N  Nirsongachem rup konkrittan bhorlam
          Nitoll varo porian uskarunk gavonam
          Nakear pan khanvchim distat bhokddam
          Noveo bhaso, Konknni ulovpi nam
T Tourist-anchea nanvan ail'le te
        Tannim mandri pollevn paim soddleat
        Tunvem purvozanchim bhattam vikun
        Tankam Goyche yerderi keleat
U Udetelea suryak addai nezo
         Utth Goykara falleancho dis nhoi tuzo
         Uxir zavnchea adim Goy samballunk
         Unchlo kaido tuzo ani mhozo
M Mendrea rupan yetle, vag koxe zatat?
            Montri-amdar, achi zab di-it gai?
            Monsupalitin, Panchayatin gantti zat
            Mojem Goy konnem piddear kelem kai?