Aiz sorvbhonvtim Amchea Goeant nodor marlear kitem dixtti poddta zait amkam? Goondagiri, dadagiri, lootmari, chorio, krimi adi. Barik pollelear heo soglleo azneri chodd xe Goeam bhaile lok adartat. To hea bhailea lokak konnem angasor amcheam Goeant bhorleat?
Ami utton utton montreancher ani rajkaronn choloiteleancher ho arop ghaltat ki, bhailea munxeank, tannim addlea ani Goeant bhorlea mhunnon apleak motam mellonk zai mhunn. Oi eke vatten hem sarkem assa ani dusre vatten barik niall kelear amchea dolleam mukhar anik ek chitr disun eta. Ami Goenkar, konnui bhailo ailo zalear taka rokddoch ami amchea gharani bhaddeak dovortat. Tachi mahiti mat passun kaddinam. Uprant tanche soire daire eit astat ani tevui apli vosti angach kortat. Ami amchea Goenkarank bhaddeak dhourinant, amkam tanche lagchean thodde poixe meutele mhunnon. Bhaile zankam sogott “GANTTI” mhunn pachartat, tanche lagchean amkam odik poixe meuta ani heach passot ami Goenkarank soddun bhailea munxeank amchim gharam baddeak ditat. Acho porinam amchea dolleam mukhar aiz dison eta. Itlench nhoi, anven pollelam gharache dhoni, hea baddeak rauteleam bhailea munxeank gheun, Nogorpalikani, Panchayatini ani her suatancer vetat tankam ration cardam korun diunk. Hem khas anven mojea dolleani pollelam ani chodd korun amche Kristanv lok.
Uprant montreancho upeog kortat. Zor tor kam zaina zalear ami montream laguim vochon, hea bhaileanchem kam kortat ani tea velar kam kortolo montri tanche laguim utor gheta fuddle vechnnukek apleak mot ghalunk. He porim ami montreankuch guneanvkari dhorlear zaina. Zonn eklean chintunk zai amche eke chuki vorvim ami aiz amcheach ganvant komi ou unne zaun ghelea mhunnon.
Tor hea fuddem tori ami irli ok’kol dorun ani chintun amchim paulam marumia. Zor tor ami bhaileank amchim gharam diupachim bond kelim zalear, te khoim rautele? Amchea zageani tankam zopddeo ghalunk dina zalear te khoim nidtele? Utton aplea ganv ghara vetele. Ho ekuch upai assa amchem Goem amkam sambhallunk. Tech porim amkam goroz assa boro umedvar nivddun addunk ani Goem zaka aiz kal mhunntat “Bolatkarachem Xar”, tem nopoit korunk.
2 comments:
Udhar Kallzache ami Goenkar. Konnem amkam xikoilam tem ugttea monan bomvonk ani adar nasleleank adar divonk? Aiz passun amchea xiranim portuguez rogot vanvta anink fuddlea odik korun chear pinkutteanchea xiranim tem vamvot astelem. Ami Goenkar sodanch udhar kallzache taka lagon amcho, sogle, ghantti zaum bhamtti, faido kaddtat. Atam ami kitem koria, jiu divon mor'iea, laginch assa doria, ghanttiank voron tuim soddia.
Kitem zait goddta amchea Goeant
Taka lagun anven uddki marli toiyant
Punn torui anv salvar zolom pavon tuinsor Julie
Salvar anv zalom, konnuim zanv tem Julie
Post a Comment