Hindi cholchitrancho kolakar Girish Karnad annem aplo rajinamo pattim ghetla. Ho ek gunvto bhonvaddo don dis pattim rajinamo dilelean. Mukhel Montreachea khateant than kollit zalam ki Mukhel Montri Digamber Kamat, Shri Karnad ache laguim uloilea uprant, Karnadan ho nirnnoi ghetlo ani aplo rajinamo pattim ghetlo.
 |
| Girish Karnad |
Mukhel Montreacho khobram khasgi, Suresh Walve annem potrkarank sanglam ki mukhi montrean jedna sozmailea uprant Shri Karnadan aplo rajinamo pattim gheunk mandun ghetlem. Karnada laguim khas apunn uloun mukhi montrean taka aplo rajinami pattim gheunk maglem.
Goencho Vidhvan, Dr. Raghunath Mashelkar achea athakal vaurpak Girish Karnadak nomearlolo. Karnad-an apleak ek dhoko zalo mhunnon ugteponnim sangon dilem, fatlea kaim disam purvim, thodde HJS ache vangddi fuddem soron Jose Pereira, nanv vostea chitrakaracher hal’lo kelolo mhunnon. Jose Pereirachim chitram XCHR hannim dekhaveak dovorlolim tim okmanachi hindu dormak oso arop ghatlolo. Karnadan sanglem “aum mojem naum pattim ghetam Bangara Utsov Udargot Sounsthentlem, zantunt bhag gheunk tumi maka tumchem amontronn dilelem, ani hi nhoi bangara utsovachi porompora ji aum fuddem sorlolom somorunk.
Hindu Janajagruti Sangh annim thoddea Jose Pereria-chea chitrancer nixed marlolo. Tanche sangnne pormonne him chitram tanchea dhormak okman korta toslim aslim. Tanchea devank vinglle ani lingik bhog gheta tosle chitrailelim. Tim chitram pattim ghetlea astana porian, azunui HJS gurgurtat.
Shri Karnadan sanglam ki mukhel montrean taka ashvasan ou bhas dilea ki hea fuddem osleo ghoddneo apunn Goeant ghoddunk diuncho nam mhunnon. Apunn Goeam bhair aslelea karanank lagon apleak hi khobor poili nam zali mhunnonui tannem Karnakak sanglem khoim. Punn mukhel montrean nakarun sanglem ki apnnem koslent utor ou bhas diunk nam mhunnon Karnadak, jea vorvim Goenkar sogllech guspolea and ojeaplea hea ghoddnea ver. Goenchi porza atam oso prosn korta ki Karnad ani mukhel montri he ghoddnechi moskoreo korta kai? Vichitr! Ek munis aplo rajinamo dita sangon ki hem aplem xevttachem utor anik apunn pattim vollon pollouncho nam mhunnon thoddech dis pattim. Tor atam kitem zalem?
0 comments:
Post a Comment