Ponnje: 1990 vorsa, ek prosid'dhpotr bhair sorlolem ani tacher boroil'lem asa tea pormannem bhurgean aplem mullavem xikop aple maim bhasent korchem; tem Konknni, Moratthi, vo khuinche-i dusrea prantantle bhasent zaunchem. Punn, Gõycho adlo Sobhapoti ani Konknni khatir vavurpi Tomazinho Cardoza pormannem tea prosid'dhpotran amkam fottoilet. Konknni, Moratthi ani her rajeanche bhasent zaunchem mhonn sanglem.
Ponn bariksannen polleunk gelear Gõyank Konknni ani Moratthi xivay anikui maim bhaso asat koxeo distat mhonn Xri Tomazinhan sanglem. Hi chollvoll 1991 vorsa zal'li zalear hem oxem ghoddchem naslem mhonn Tomazinho-k dislem.
Amchea Gõyant veg-vegllea rajeanche lok yevn ravtat, tanchea khatir ek maim bhas aschi," oso prosn Tomazinho-n loka meren mandlo. Hea prosid'dh potran fuddarak Ingles madhyomantlean xikoupi khasgi iskolam suru korunk porvangi diunche nant mhonn kollit kel'lem punn tachea uprant 11 iskolank sorkaranuch porvangi dilea oxem sanglem.
Gõy hem desantlem ekuch rajya zuim tujean apli maim bhas ek vixoy ghenastana tujean SSC pas zaunk zata, ponn dusrea rajyamni oxem zaina mhonn Tomazinho-n ugddas kelo. Sonvsarak tor fuddo kortolo zalear amkam Inglez bhaxechi goroz ani hi bhas aslear amchean fuddem sorunk zata mhonn Tomazinho-n sanglem. Kaim amdar montri aplea bhurgeank xikop korunk bhailea desant dhaddtat, hem oxem te kiteak kortat, Bharotant tanchean xikunk zaina? Oxem Tomazinho-n fuddem sanglem.
Gõyant adim xikxonnik mollar titleo suvidha nasleo tea khatir Konknni madhyomantlem xikop kel'lem, ponn Gõyant itli udorgot zalea astanam Ingles bhas amkam xikxonant kiteak naka? Gõyant iskolamni Inglez bhas suru kelear Konknni bhas sompchi na, kiteak Konknni bhas Gõykaranchea rogtant asa oxem Pradeep Kakodkar-an sanglem.
0 comments:
Post a Comment