Kazarak ani her funksanvank zaitea lokak apovnche bodlek thoddeach lokak apovnnem diunchem kai mhonn Denzil D'Souza-n kaim zannank vicharlem. "Kazarank chodd lok aslear dobajeak umed yeta. Ponn thoddeach lokak apoilear odik borem, kiteak chodd lok ailear despez subez. Despez amcho komi korunk vavrunk zai. Thoddea lokak apoilear randopui unnem zatolem. Chodd lokak apoitoch chodd randchem poddtat, ponn khup jevonn ibadd zata. Kitlea lokak dischem ek jevonn poryan mellona".
Valankani D'Mello, Xikpi, Divaddi
"Hoi thoddeankuch apovnnem diunchem kiteak vhodd–vhodd girest lok fokot thoddeankuch apoitat ani dobazo jet'tan fuloitat".
Sinora Alphonso, Kamdar, Kandolle
"Tuje lagim ghoddta tea porim dobazo korcho. Thoddeach lokak apovnn aple dobaje vo funksanvam korchim ".
Kevia Fernandes, xikpi, St Cruz
"Kazarak vo funksanvank zaito lok zai mhonn na. Thoddeach lokak amontronn diunchem; chodd lokak apoilear soglloch ponn apoila mhonntoch chodd jevonn korchench poddlem. Apoil'lea pormannem lok yeunk na zalear randlolem jevonn ibadd zata nhoi ".
Jennifer Quadros, ofisant adari, Vasku
0 comments:
Post a Comment