Common Wealth Games (CWG) hea khellacho utsov Bharotant Otubrache 3rer tem 14ver meren ghonnghonnan vo gondollan zatolo tachi vatt sogllo lok polleunk ravta. Je toren CWG khellacho prochar kela tacher nodor marlear sogllem 'low standard' ani duddvancho ibadd zala dekhun ho khell oskot zal'le porim dista.
Bharotant CWG che khell zatat mhonnlear vhoddli khuxechi khobor. Dusrea desancho lok amchea Bharotant yeta mhunn amkam khuxalkay bhogta. Hi ek itihasik ghoddnni amchea dolleam mukhar haddtana, Bharotantle oskotayecher nodor dovorpachi goroz.
Bharotant koslem-i kam', lhan toxench vhodd sorkari khatea koddlean sufollayen ghoddtolem zalear tem veg-vegllea khateam koddlean korchem poddta. Ek khatem aplea kamant buddlam asta tem khorem anik vavr yetoch hea khateant ek nove torechi vagnnuk (attitude) bhitor sorta; atam amkam chodd kam' korchem poddtolem.
Vhodd khellache toxench dusre toreche utsov korunk Bharotan nirnnoy gheta tednam te vevharant ghalunk vell lagta ti khobor amkam soglleank asa. Bharotant kitleo policy vo kitlim bill pas zal'lim asat tim vevharant kedna ghaltole tem sangunk itlo vell lagta zalear, CWG khellachi toyari oslech oskotayen xirkolea.
Bharotant koslei-i ghoddnnechem 'exaggeration' kortoch ti ek torechi khobor vo news zata. Khobor choddoun sangpachi ani lokachim monam vaitt asa tea vordhan oddop hi ek loksomporlkachi sonvoy zalea. Media mhonnlear 'watch dog of democracy'. Hea svotontr rajyant koddok kaide vevharant ghalun barik chovkoxi kortole khatem unnem asa. Ani asa tantun-ui broxttachar cholta. Osle poristhitint CWG khellacho dobazo xirkola.
Amchi nodor sodanch 'balance' dovorunk adar ditole chodd nant tori amchem lokx he vatten ghalunk chodd goroz asa. Na zalear media jem kitem sagta tem ami sot koxem gillun ghorant bostoleanv. Media dakoita tantun sot samkench manun gheunk ek xhanni vost zaunchi na. Ho balance samballun, ho dobazo khuxalkay onnbhovunk ani bondabost kortoleanchem 'evaluation' korunk amchim panvlam nitichea margar ghalunk goroz asa.
Bharotant ek vhodd dobazo zata tachea borobor zaitea duddvanchi lutt zata tantun dubhav na. Hem chodd korun sorkari dobajea velar zata mhunn amkam kollta. Hi chall lhan toxem vhodd ghoddnnen disun yeta. Punn je toren ami osle ghoddnnecher amchem lokx ghaltanv, tantun fuddar bandlolo asa.
Heo ghoddnneo fokot CWG utsovacheo nhoi punn Bharotant zatat te herui lhan toxench vhodd ghoddnneacho. Hem dakoun dita ki duddvanche axechi pidda vo zata te toren chodd duddu korpachi pidda Bharotant ghott rigloli asa. Sorkari odhikariank toxench khasgi komponek koxe porim kaide bodlunk vo te aplea faideak poddta ti chall dovrunk Bharotache poromporek atam itihas ghoddla.
The history of Corruption in India (Bharotantlea broxttacharacho itihas) hem pustok atam konn-ui boroit zalear tem jerul 'best seller' zatolem. Ipaidabribe.com ji website suru zalea tacher ailelim borovpam vorvim ekuch nhoi, punn zaitim pustokam yetolim. Broxttaracher spoxtt uloit zalear bharotak ek novo xevot yetolo.
0 comments:
Post a Comment