DUBAI Sept 23: 28 vorsancho ek Canacona Ordhofond gauncho tornatto Jackson Coutinho Dubai ghelolo nokrek ani ek catering component, technician koso kamank laglo. Punn tachea futkea noxibant, Dubai pavon tin dis zata thoinch duensan tacho ghat ghetlo. Taka brooch chodd zor ailo ani taka hospitalant ghalcho poddlo.
 |
| Ghombir Poristhitient aslolo Canaconacho Jackson |
To dis thaun Jackson babddo, Al Rashid Hospitalant ICU-ant chodd gombhir poristhithent nidlolo assa to chitrar amkam dixtti poddta. Tachea gaum ghara, tacho gorabo khontini ani ulhasani dis kaddtat. Tachim gorchim loka laguim magtat, Jacksona passot khotkhotean magnnim korunk.
Khas magnnim tea bhair rat zagronn zalem hea kaim disam bhitor Bhatpal Igorjent. Thoinchea Padrin loka sangatim magnneani ti ratr sarli Jackson veguinch boro zalea puro mhunnon tea marekar duensantlo.
Khobor bhair sorlea tea pormonnem, he ghoddnechi mahiti “Gulf News” hea potrar poili xapun aili ki Dotor Raess Ahmed, mukhel dotor Al Rashid Hospital ICU vibhagacho, annem sanglam ki Coutinho-che kuddintle kaim bhag vibhadd zalea zoxe porim Kidney, Pulma ani figd. Somaradis tachem operesao zalem bhitorlean rogot vanvta tachem and dotorank anikui tache sande bigoddlele meule.
Punn sogott ojeap zala, tachim gorchim, soire Goeam toxe Dubai, khas korun tacho bapul bhav zo Dubai assa ani tech porim Dubai-chi Igorz, koxe porim hem oxem ghoddonk zata tem, karann jedna Jackson bhair sorlolo Goeam than Mumboi vochon, tedna to bolaiken ekdom boro also ani kainch taka zaunk naslem.
Soddun tachea pottant irlixi dukh, to orxim ekdom boro also Dubai Hospitalant galchea adim he osle gombhir poristhitir.
Tachea borem magteleanim kollit kelam ki, Al Rashid Hospitalantlem dotor taka, Mumboi Hinduja Hosptalant dhaddunk sodtat mhunnon punn ache passot tachi poristhiti sudronk zai. Sodeak vokdancho porinnam zaunk lagla ani umedui vaddlea tache passot.
Punn atam anik ek proxn ubo zala ani to mhollear tachea khorchacho, Hospitalache dhuddu, je disan dis vaddot vetat. Tea bhair taka Mumboi vorta astana tache sangata zai nurse, dotor adi te koxe ani khoim than etele, ho mottoch proxn ubo zala.
Khobram pormonnem thavem zalam ki tachea khoincheach soirea laguim itle poixe nam tacho ho khorch (despeiz) ubarunk zor tacho jiu vanchoitolo zalear.
Kaim lokani tache passot INTERNET acher toxem potrancher boroun magnnim kelea lokan tache passot dhan korchem mhunnon. St. Mary’s Goan Community, ek Dubai Igorjecho fanto, fuddem sorleat hea prokornnak tenko diunk ani Jacksonak adar diunk ani tannim sabar magnnim keleant loka laguim ful na paklli dhan korunk.
Tumcheam Navita Barretto – 00971-50-8559562, Maria Fernandes 00971-050-4577209 hankam mellovn gheunk zata ani tumchem dhan pattounk zata. Gulf News hea potran kollit kelam ki zo konn dhan korunk sodta tannem editor@alnisrmedia.com acher apli khobor diunk zata mhunn.
Tech porim Fr. Frank, Fr. Michael St. Mary Igorjeche dogui padrink tumcheam mellonk zata. Ek konn Praveen Viegas boroita “Zata title taktin, hem dhan dhaddunk zai zor tor konnank dhan korpachi khoxi aslear”
0 comments:
Post a Comment