MODDGANV: Dokxinn Goyant athrea poirean devllani chorianche prokar allabanda addpache nodren kruti korpak fudlea 8 disam bhitor serkarak apes ailem zalear dokxinn Goem bond kortele oxi xitkaunni kal hea devasthana kodden sombondhit zallvanndaranchea xixttmondolan dili.
Amdar Damodar Naikachea fuddarponna khala jil’leantlea sumar 50 devasthanache odheox ani her zallvanndarini mellun jil’lo odhikari Gokuldas Naikak nivedan bhettoilem. Tea velar tannim voili xitkanunni dili.
Quitla Fatorpenchea Shantadurga Quitlakan devllant poir zalele dhaddxi choriek lagon khublelea lokani kal eka fatlean ek korit dokxinnentlim devllam te foddit chol’leat oxe arop tanni kele.
Chorianche he prokar polloit zalear tea choram sangata serkar ani pulis anchi hat mellovnim assa kai kitem osoi dubau tannim dakoilo. Atam udok naka laguim paulam ani tantuntlean sogleani sossnikai somplea, teach passot fuddlea att disam bhitor serkary paunddear kruti zali nam zalear dokxinn Goem bond kortele oxi xitkaunni xixtt mondollan dili.
Poirche chorie uprant he lok samke uchamboll zaleat mhunnpachem distalem. Khoro mhullear kaluch tannim “Rasta Roko” korpacho nirdhar kelolo, punn Natalam ani Novea vorsache fatbhuier lokachi dhandoll zaunchi nhoi mhunn ami surokxann rakhli oxem eka zallvondharan sanglem. (Sunaprant)
0 comments:
Post a Comment