Ponnje: Goem Rajyak khas dorzo diupache magnnecher boreach velar veg-vegllea machiancher bhasabhas zaleli asli torui Rajya Sorkaran hea sombondhan Kendra-kodden azun porian adhikrut magnni korunk nam oxi zab Kendriya Niyozonn, Sonsad Vevhar toxench Bhouxik Kagall ani Penxen Rajya Montri V. Narayanswamin Rajya sobheche khasdar Shantaram Naikak dilea.
Orrisa, Rajasthan, Chattisgad ani Bihar heach rajeani khas dorzo magpi odhikrut magnni Kendra kodden keleleanche dilele zaban mukhar mhunntlam.
Shri Naikan uzvaddailea patrakant apnem prodhan montreak he babtint tin nivedana keleleanchem mhunntlam. Tantun Bharatiya ghottne khala Goenche zomnichi rakhonn korpa khatir khas tordut korpachi magnni keleli toxench Goeam khatir special cadre diupachi magnnii keleli. Prodhan montreak dilelea nivedanancheo proti, mukhel montreakui sadar keleleanchem mukhar tannem mhunntlam. Punn rajya sorkaran azun passun kainch korunk naslelean khas dorjeaci magnni korpi rajeant Goencho aspav zaupak pavlo nam oxem Naikan potrakant spoxtt kelam.
Kendran 11 rajeank khas dorzo dileleachi mahiti kendria montrean dilele zababant mukhar dilea.
Rajeank khas dorzo diupacho nirnnoi raxttriya udargoth council (National Development Council) gheta. Tea passot ghotnnent veglli tordut keleli na.
1 comments:
Goenche amdar and montri kiteak nidlea tor. Pottaent subej poddlaem mhunont kai. Dusre paut vote magounk etoch tanchen ghanir fount marchi ami. Goenkarano uggdas dhorat. Mog assundi.
Post a Comment