GOENKARAM LAGUIM EKVOTT KORUNK MAGNNEM boroupi P. Cruz, Vasco da Gama

Aiz Goeant borench motem zuz cholta Congress ani NCP hea don pokxam modem. Aiz aum TV cher khobro polletana, anven Mickky Pacheco laguim mulakhat cholta ti polleli.

Banaulecho Merculiao chitr dhaddpi Diogo Fichard

Mickky mhuntalo apunn sodeak Congressachea mukheleam laguim ek zuz zogodtam mhunnon ani tech porim tannem fuddem mhuntlem ki to 30 tori congressichea fuddareank haroitolo mhunnon etea vechnnukeank. To khoim aple 40 umedvar bosoitolo and xembor tok’ke tatuntlim unninch tim 10 boska jikon ghetolo and hea 30 congressichea fuddareank haroitolo hea vechnnukent. Hem kitlem sot and khorench ghoddon etelem the fokot fuddlea vechnnukecho nikalluch dakoll kortolo.

Churchillan sanglem ki apnnak sotea assa eka lhan daktulea bhurgeak passun Mickky add bosoun jikoun addunk xektam mhunnon. Uprant Mickkyn zababan mhuntlem ki “Tumi Murculiao Benaulecho zaka sogott vollkota to footballache khell polloupi ani Dempo! Dempo! Mhunnon bobatt marpi, taka Churchilla add bosoun, ek montri ou Amdar korun dakoitam mhunnon. He zaun assa eka meka add zuzache vopnneo.

Atam te dogui doxim zalele assat ani hoch boro soeg ou sondi Niz Goenkarank ekvott korunk ani anche add zuzon amche adle dis Goeant portun addunk. Tea passot aum dhor eka Goenkara laguim magtam, toxench dhor eka vachpea laguim magtam, je konn Niz Goenkar vachta soglleani ekvott korunk ani ekvottan amchea hetuk ube ravonk. Maka hem borounchem poddlem kiteak sodeak ami Purtugez and Purtugezam add, Suttka and on-suttka gheun boslele assat. Barik nodor marun pollelear, maka dista amcher Purtugezani raj cholounchem nhoi ani nhoi mhunnon amchea broxtachari rajnitikarani raj cholounchem nhoi.

Ami amche modem zogodlele pautiche, amcho ekvott korun, amcho Serkar, mhunnchem Niz Goenkarancho Serkar ghoddun addumia zo Goenkaram passot vavurtolo ani Goenkarank boreak poddtolo.

Aum sozmotam ani zanno Purtugez ghelea uprant broxttachear chodd vhaddlo ani sarkoch mollbak tenklo ani taka kainch upai nam nikllaunk. Zaitea Goenkarani khub tras sonslet Indian raj-a khal ou Goenchea rajkarbareanchea hata khal ani tankam sotea ani hokh assa mhunnonk ki Purtugez raj khoreaninch borem aslem atanchea amchea serkara poros.

Aum xabaski ditam N. Fernandes zoxe porim aple lekh boroita ani aple ulhas ucharta, ghoddiek taka ou tachea ghorabeak ou tachea xezareak khub tras poddlea astele amchea broxttachari rajkarbaream lagchean, punn tachea lekhani ou boroupan zaitem sot ani zannvai assa.

Tech porim aum Yogesh Marathe achii thoknnai kortam, tannem koxe porim vegllochar dakoilo to aplea boroupani Purtugez ani Indian Suttka ache voir. Zonn ekleak hokh assa aple moticho ani tannem aple motint kitem assa tea pormonnem, apnnank zai tem boroilam. Ani vachpeani ap-apnnache motint assa them uzvaddailam bore toren ani khub gineanan.

Punn atam ami khoim assaum? Amcho udhex khoim assa? Zabab mhullear ami zogoddtat dusre suttke zuz, broxttachari rajkarbaream sangata ani amcho hetu, ani tir hoch zaunk zai ani ami sarkhe hea hetuk chitkon ravonk zai. I magtam somest Goenkaram laguim atam visor ghalat Purtugez ani ontor Goeanche suttkechi tea velar.

Pustokani boroileli itihas portun ghoddon enam, punn amcheani nove dhodde Goenche itihasichea pustokar borounk zata, ekvott ghoddun, soglle Goenkar ek zaun ani broxttachari rajkarbareank patlem dhar dakoun. Moje niz ani kallzache khoraiek than, Vachpeak toxench boroupeank sangnnem ki sodeank ami Goenkar ani Indieche khal, punn amcheani zogddonk zata Goeank Khas Dhorjeak ani mukhi hetu sogllea chor ani broxttachari rajkarbareank bhair marun tankam kochreachea dobeant ghalunk. Hem korunk amkam goroz assa EKVOTTACHI