Konknni Amchi Maim-Bas Boroupii Freddy Agnelo Fernandes, Dubai

Ek vorthem dennem dilam amchea purvozamni
Moll tichem zavnchem na korunk amcheani
Ghorvan-apurbaen ami kortat ucharni
Kuxallkaien mhonntat Maim-bas amchi Konkani
Zaite xiknnar zanar Goyant astana
Kiteak mhunn ajunui tuzi udorgott zali na
Putam-duvamni porva tuji korunk na
Tujea duddacho foll tanni divnk na

Kitli vorthi Maim-bas Konknni amchi
Devnogri ani Romi lipin boroichi
Sanskrit baxechea mullan ti upzolli
Kokanchea prantant umedin rauli

Inglez, Hindi, Morathi baxeank ami buzthanv
Tor Konknnik kuznantli bhas kiteak mhunntanv
Maim bhaxecho ami beporva kori nezo
Dhanvtea varrear ticho respet-mann uboi nezo

Zaiteoch dusreo bas-o ami zait xikot
Amche Maim bhaxek ami kiteak visrot?
Sovnsarantle dusro lok aple Maim-bhaxen uloitat
Ami Goykar kiteak mhunn fattim urtat?

Amchea ghoramni Maim-bas vaporchi
Bhurgeam-balank tichi apurbai dhakoichi
Respet-mannan tika salant haddchi
Ghorvan boron ti sobemazar uloichi

Uzo petoi nakat Devnogri Romi lipicho
Donui lipi asat ulhas ekuch te avoicho
Donui lipink titloch respet-mann favo korcho
Sogot Goykarancho hoch anvddo ascho

Goykaramni lipi-navan gallun ghevchi nhoi futt
Hatak hat dorun bandchi ekvottachi mutt
Sonvsarak dhakoia ami mhonn tiche dhuvo ani put
Vaurumia sodankal samballunk Maim-bhaxecho mhukutt

Konkani uloi, Konkani boroi Konknnintlean sorkar choloi
Goychea sorkarak martham ulo, sodanch ho naro petoi
Hech torim amche Maim-bhaxecho respet-mann vaddoi
Konknni amche maim-bhaxek unchlea panvddear pavoi
Zoi Konknni Zoi Goa