COTOREM, SATARI-in Obseog Ghoddon ek Zokmi

VALPOI: Gombhir vatavoronn upraslem Valpoi-chea Cotorem nogrant ek obseog ghoddon, jea vorvim ek motor cycle-in provas korpi Dashrath Malu Gaonkar zokmi zalo sumar sokallchea 06:15 vaztam aplea kamank Valpoi veta astana.

Ho obseog ghoddlo eka guvannear pavon Cotorem. Khobram pormonnem thavem zalam ki, truck zacho ankddo zaun assa GA04-T8494, Molem vetalo to Valpoi vetele motorcycle-icher (Hero Honda Splendour) nettan dopko marlo. Dhopkea borobor motorcycle choloitolo usoun poddlo, punn tachi motorycycle truck sangata voddon gheli sumar 20 metr obseogachea zagear than ani fattlea rodhak xirkoli zoxi tumi polletat hea chitrar. Valpoichea PSI Narayan D Parwar-an hea obseogacho panchanama kelo ani dukoulelea Dashrathak Goa Medical Collegint pattoilo.

Ganvcho lok bharim uchamboll zalo ani rosto addailo ani soglle truck je min gheun vetale tevui addaile.

Toxench khobram pormonnem ugddapem zalam ki he suater zaitech barik barik obseog ghoddot asta hea minanchea truck-ank lagon. He truck aplem vahatuk ritem kelea uprant ekdom rosten veta fattim fuddem polle nastanam ani bhou korun sokallim fuddem. Shri Shivram Vaigankar, Valpoi Pulis Nirikxok aplea pulsam sangata thoim paulo ani uchamboll zalelea lokak sozmailo.

Lokacho dobau aslo truck-chea dhoniak apoun addcho mhunnon, zo ailo ani tannem lokak khatri dili ki to obseogant zokmi zaleleak apunn poixe ditolo oxem mhunnon. (NG - Abdulla Khan, Valpoi)