Niz Goenkar - Part Two (Ek Sopon) by Diogo Lazarus Pereira

Niz Goenkar - Part Two (Ek Sopon)

Chorchillachi election campaign korunk bountalom house to house
Bountam, bountam, maka bazarant distti poddlo Mickey Mouse
Anvem mhunttlem baba kitem zalam tujem, koslo tuka goddla kauz
To babddo aple doll’lle tambdde korun roddlo dukhancho paus

Mhunnonk laglo kitem tuka sangom mojea oukonaslelea ixtta
Rat etokuch maka ekloch nidonk borich bhirant dista
Anvem mhunttlem kiteak?, Tuje kuddint azun rogot xizta
To sangonk laglo dusman ratche evun, mojim uxim passun pinzta

Anvem mhunttlem sodd uxeanchi khobor, tujea laguim bhorlea duddu
To mhunnonk laglo “na re saiba” anvem taka pieunk Ratol ghatlem koddu
Anvem mhnuttlem, zalem tem zaum re Mickey Mouse, adli khobor soddu
Mhunnonk laglo koxi soddum, tem ratchem evun moje pisddunk sodta laddu

Anvem mhunttlem Igorje voch and Padr Vigarak sang kor mhunn Evangel Rozar
Anim bhair adrar ubo ravun, ath zoddun, bhogsonnem mag sogle porje mazar
Ki tunvem ghoribank nagoun, nagoun, nagoun khal’lea kitle poi tanche vozar
To mhunnonk laglo hem mojeaxim koxench korunk zaunchenam re Lazar

Anvem mhunttlem toxem tor tujea patkanchem tum ghevun bounv xirap
Anim bexttoch anga thuimsor khuinchei sodunk bonvonaka burak
To maka mhunnonk laglo rag addxi tor tuka martolom ekach farak
Anvem mhunttlem anv Chorchillacho munis, campaign kortam tea chorak

Chorchillachem nanv aikon tache tokler poddlo bhar
Anvenuim bexttech voilea, voir pettoilele funke far
Kalliz puk-puk zatalem, pun jib tonddak dinam asli tar
Mhunno sogle ekttaim ravon voir kadduia “Niz Goenkar”
So Viva! Niz Goenkar