VALPOI: Tantrik karannank lagon Thane Telefon Kendr bond poddlear sumar 15 dis zale. Taka lagon hea vattarantli fon seva puraien bond poddlea. Oxem aslem torui BSNL koslich halchal kori naslelean hea vattarantlea lokak thiddok ailea. Fuddlea char disam bhitor seva chalik laglinam zalear sogleo zoddnneo thoddun uddoitele oxi xitkaunni giraikani dilea.
Valpoi xara koddlean sumar 9 km pois aslelea Thane xara khatir sorkarn svotontr kendr sthaponn kelam. Punn tache kodden purnn addandhar zaleli asa. Tacho porinnam mhunn thoim portun portun bigadd zaupacho prokar ghoddot asat oxeo giraikancheo kagalli asat. 15 disa adim nettacho ghoddghoddo marun paus poddlolo tedna thaun he kendr bond poddlam. Taka lagun Thane, Copordem, Pale, Hivrem, Golauli, Naneli ani Chorovnnem, hea vattarantle sumar 350 fon bond podlele asat. Ojeap mhullear hea prokara vixim thoinchea odhikareank purnn mahiti asun pasun te sust asat oxe arop zait asat.
0 comments:
Post a Comment